و رجعتلنا من تانى يا مصر .. بعد ما حققنا النصر

قلنا دى بلدنا
ماحدش كان بيصدقنا
قولنا بنحبها و شككوا فى كلامنا
و جيه يوم 25
و الناس نزلت هم مبسوطين
نزلوا يتحدوك يا مبارك
نزلوا يقولوا لا لنظامك
قالوا زهقنا خلاص و تعبنا
و قالوا علينا عيال و بتلعب
و الناس لكلامهم مش حتسمع
قولنا سلميه و ضربونا
بالطوب حدّفونا
بعربيتهم داسونا
و جابولنا ناس على جمال
عايزين يحموا اللى مالوش بيننا مكان
و بقينامش عارفين ننام
شايفين ارهابهم فى كل مكان
فتحوا الاقسام هربوا المساجين
و نشروا الرعب بين الملايين
كانوا فاكرين حيقدروا يوقفونا
كانوا عايزين ثورتنا يقمعوها
بس ماكنوش عارفين اننا ناويين
نثور مانسكتش
نقول مانخافش
كفايا نهب مهانه فقر
كفايا سرقه و قهر
كفايا ثلاثين سنه زوول
عملت حظر تجول و مابقاش فيه شغل
و فضلنا فى الشارع قاعدين
و فى ميدان التحرير عادى جداّ عايشين
ابتدينها بخمسه و عشرين
و جمعة الغضب و بعدها جمعة الرحيل
و انك تمشى قالوالنا ده مستحيل
قولنا يا ناس ده انقلاب
قال دى ارض المحيا و الممات
قولنا اسقاط النظام طلب كل المصريين
قالوا عملاء مندسين
و من الاجانب اكيد قابضين
KFC وبيدوهم اكل من
و عين نائب رئيس
بس بعد ايه يا خسيس
ده دم المصرى مش رخيص
و النهارده جمعة الحسم عند القصر
النزل فيها كل شعب مصر
و يبدا برحيلك تاريخ جديد
و حيكون احسن اكيد
و انتصرت ثورتنا
و حررنا خلاص بلدنا
و رجعنا خلاص ابسط حقوقنا
و هى حريتنا
و حنرجع السبعين مليار
حتى بعد ماتسافر يا طيار
و حنبدا حياه جديده
و حتكون اكيد نظيفه
و حنفضل نحكى عن شهداء الثوره
مش حننساهم ثانيه
و حنحكى عن رجالتنا
الى من كلابهم حامتنا
و جيشنا
الحفظنا و قدرنا
و عمروا ماخنا ولابعنا
جيشنا يا عظيم
تحيه ليك من كل المصريين
يا ثورتنا يا سبب فرحتنا
حنحاكم كل الى خانا و دمر بلدنا
من 25 ابتداينا
بس ماقدرش اقول انتهينا
لسه مستقبل بلدنا مستنينا
حنبنيكى يا بلدى و مش حنفرط فيكى تانى
حانحافظ عليكى من كل خائن حنحميكى
وزى ماقولنا ثوره ثوره حتى النصر
فبعد ماساب القصر
اهلا بيكى من تانى يا مصر
Written by : Radwa Othman