شد الرحيل يا شعب مصر ...... قصيده بقلم مصطفى محمود ابو ابراهيم

شد الرحيل يا شعب مصر
القلب مات وخارجته
إتأجلت لبعد العصر
إياك تروح على غزه
الظلم فيها لمؤاخذه
حتى العرب مش عاوزه
البسمه ترجع والعزه
شد الرحيل وع الصفين
النيل بيبكى للشطين
تايهه الدموع يا ضى العين
شد الرحيل ياشعب مصر
شد الرحيل
الدنيا ايوه ضلمت والليل طويل
شد الرحيل واصل الرحله
اصل القلوب قاسيه وشارده
إهمالنا اصبح قدامنا
يقتل ولادنا وأيامنا
حتى كمان اللى حكمنا
نسى إننا تعبانين
دى الثوره قولنا هاتفرحنا
هربت وزعلت من ريحنا
صعبت علينا أرواحنا
ورد وفتح فى البساتين
شد الرحيل وحلالك
هروب ومكتوب علشانك
زلزال وبيهز كيانك
رايح وراحت أمالك
مافضلش غير آه وآنين
شد الرحيل على صحرا
تصبح لنا قبله ومرسى
وأوعى وقبل ما أنسى
تاخد معاك ناس خانين
شد الرحيل كده مالك
الحزن موت أحلامك
ضاعت معاه أحلى سنين
يا خساره حتى اطفالك
ماتوا ياعينى ومش راجعين
وابكى وزيدى الدمع ياعين
على زهره شربة من حضنى
ياريت ياموت تيجى تاخدنى
ويصبح رحيلى كده لقبرى
ردو ورايا وقولو آمين