انتم نايمين واطفالكم بينظموا " مقاطعة للمدارس نهاية الشهر "

" الواقع " بعد أسابيع من المحاولة .. تحاور عشرة آلاف طالب نادوا بالمقاطعة
تحقيق : مريم رفعت
كارثة تحدث في مدارسنا .. "مقاطعة .. احتجاج مش عاوزين ..هنختار وأختارنا" .. أكثر من 10 آلاف تلميذ يعلنون يوم 28 هذا الشهر احتجاجا علي نظام التعليم .. بأسلوب يهدد مستقبلهم .. وهو إضراب عن الذهاب إلى مدارسهم .. أين المدرسة ؟ أين أولياء الأمور ؟
كانت مشكلتنا معهم هي كيفية محاورتهم .. كلهم يخافون .. يشككون في أي أحد .. ذهبنا الأول إلى بعض أولياء الأمور لعل وعسي يحدث عندهم رد فعل علي كارثة "إضراب التلاميذ " الذي يقلدون به ما يرونه من إضرابات رغم عدم إدراكهم " يعني إيه أصلا إضراب " ..
أحني فين منهم
"قبل ما أعرف أي نظام تعليمي ولا اعتراضهم علي أيه دي مصيبة قصوى" قالها مصطفي محمدي ولي امر .. واستطرد ما يحدث يجعلنا نتساءل أين نحن من أولادنا ؟ هل نشعر بهم .. نفهم ما يشعرون.. ما يردون ؟
"جيل بأكمله يود الهرب .. لا يرى طريق ولا يجد له بصيص أمل " قالها " ر. خ " ولية أمر ، عيالنا اختاروا الاعتراض قبل أن يعرفوا أصلا يعني أيه اعتراض، ودي الطامة الكبرى والقنبلة الموقوتة لا نشعر بمدى خطورتها .. مجموعة من الشباب يحركهم حماس أهوج لا يعرفون لما وأين وكيف لغة الحوار التي فقدناها ؟ من سيجنى ثمارها والسبب من وجهة نظري الصمت المطبق علي البيوت ، وعالم الانترنت الوهمي الذي تكون عند أطفالنا ..
حوار مع التلامذة المعترضين
انطلاقنا لهذا التحقيق أن ما يحدث ليست مجرد صفحة علي الفيس بوك ، أو اعتراض عادي ممكن نلاقيه في بيوتنا ، ولكنه ناقوس خطر يدق أبوابنا .. والسؤال الآن هل مجيب ؟
بعد طول تردد .. تمكنا من أجراء بعض الحوارات معهم ننقلها لكم دون حذف أو حتي تغيير لغوي :-
- " س . ح " طلب عدم ذكر اسمه لأن أخوته معه ، بصوا أنا اكبر منكم سيبكوا من نصايح الأباء والامهات ..
- الواقع : ولا هأعمل حد كبير عليكو بس بجد .. انتوا عجبكوا مناظر الطلاب
يروحوا المدرسة ببنطلون واقع .. أو بنات حطين ميكب
- Alaa Abosteit" " .. حلوة بنطلون واقع .. ما دى الموضة هنعمل ايه ..
- " س . ح " حياتكم بقت كلها أعطاءنا دروس مكررة ، ومش بتراعوا اننا بنفهم .. طيب فين مخنا الي بيشتغل .. فين ثقافتنا .
- " Mahmoud Mamdouh" رد باللغة الانجليزية .. مشكلتي في الاعتراض اني لو مش عاوز آخد دروس وبكدا هأسقط .. ولا أنت رايك ايه ؟
- الواقع : تسقط لا مش هتسقط انا مقلتش مناخدش ، بس فين مذاكرتكم.. فين انتوا الثقافة اللي بقت حياتنا تيك واي في كل شئ .. تقدر تقولي اي هويتك بتتكلموا عليها وأنتم أصلا نسيتوا لغتك؟
- " Alaa Abosteit " هويتى اكبر G وعلى D ولا ايه رايك
- الواقع : لا يا علاء غلط هويتك انت مين " بلدك – لغتك – قيمك - اعراف وتقاليد مجتمع"
- "Mahmoud Mamdouh " لما المساءل مبادىء انتم ليه بتكسروها ؟ أنت ليه جالسة علي الفيس بوك ؟
- الواقع : بص يا محمود انا شغلي كان بعقد مؤقت وانتهي ، وتعالي شوف صفحتي مش هتلقيها هايفة ، الفيس وسيلة لمعرفة ناس صح نشر معلومات مهمة وشئ صح تشارك بآراءك وتعارف ..
- الواقع : رغم المدارس تعتبر مكان للأخلاق والتعليم .. بقت اهانة للمعلم طب ليه؟
Alaa Abosteit- :- فعلا معاكى حق
Mahmoud Mamdouh- :- اولا المدارس مبقتش مدارس زي ايامكم .. المدرس بيجى يتخانق معنا ولما نكلمه يطردنا بره فين الديموقراطية عن تعبير الآراء هنا ! انتى بعيده عن المدارس بشكل غير طبيعى عشان تتكلمى عن اهانه المدرس ، امال فين الطالب لما المدرس يتهان تعملو مشاكل لكن لما الطالب يتهان متعملوش حاجه لأن الطالب الدرجة السفلى من سلسلة التعليم .
- الواقع :- لا يا محمد مش الطلبة ليسوا الجزء السفلي ، فالعملية سلسلة مترابطة ، اختى في اولي ثانوي وبقرأ وبشوف ، صدقني المدرس تعب وتعلم وعلي الاقل عرف هو ايه لكن انتوا لسة بكرة..
- Alaa Abosteit :- لا الموضوع لعب عيال ايه تغيب يوم وطيب بعد كده مفيش حاجة هتحصل يبقى ليه من الاول ، يعنى هى جت على يوم اللى خلنا بنروح السنة كلها اليوم ده ملهوش لازمة اصلا .. فمعاكى حق لكن لما نغيب اليوم ده مفيش حاجة هتحصل فى اليوم اللى بعده ولا هتتغير حاجة يبقى ليه من الاول .
- Mero Gamal :- بس اننا نتهان في المدارس ونروح ونجى بدون فايدة واهو تضييع دي مشكلة ..
Mahmoud Mamdouh- :- انتى جاية بعد ما الدنيا أتحرقت تندبى على اللى فات للأسف انا فرحان انى هاسافر السنة الجاية اكمل دراستى بره كان نفسى افيد بلدى