يوميات ام مفروسه الحلقة السادسة / أمر واقع بقلم رنا هاشم

وشك مقلوب ليه على الصبح ؟
يا ماما مش عاوزة أتجوز الراجل ده
مقدرش أتجوز علشان لازم أتجوز
ليه هو أنت غير البنات
أحلامي كبيرة , طموحي مالوش حدود .. ليه أحبس كل ده جوا سور من نار . مش
كفايا بابا رغم كل تحضره و ثقافته حرمنا من حاجات كتيرة بسبب الخوف
يا بنتي مش كده
يا ماما الخوف ده هيحمينا من الخطف من التحرش من الاغتصاب من المعاكسات
الحقيرة .. من ظلمة قلوب ناس عاملة بتفهم
يا بنتي انتي بتجيبي الكلام ده منين
بجيبه من كل نفس حوالينا
يا ماما شوفي نفسك شوفي غيرك ,, الجواز ربنا خلقه رحمة و عطاء بين اثنين
مقدر ليهم يتلاقوا في الدنيا الواسعة دي مش علشان يقطم و يبكت فيها و
يحسسها أنه عمل جميلة بجوازه منها
أوامر وطلباته الشخصية والنفسية بدون الرجوع لاهتماماتها أو رغباتها
مكرس حياته لمعادلة الرجولة العقيمة
آمر + حسم + صوت عالي = قطة مذبوحة أناء الليل و أطراف النهار و نسيوا
خالص أن ساعات المعادلات لما تختلف انسابها بتعمل أنفجار و تشوه
هو نفسه ميقدرش يواجهه ولا يتحمله
يا ماما سيبيني أعيش براحتي مش عاوزة راجل يتقفل عليا انا وهو باب و انا
مش قادرة أبص ليه سيبني
أحب أنا اختار انا ليه حرام ليه عيب
ليه بتخلوني أهرب لحلول سهلة علشان أخلص من حياة الأوامر دي
خلصتي كلامك يا حبيبتي
أيوا يا ماما
طيب يلا أجهزي علشان العريس قرب يوصل
!!!!!!!!
مش حاجة تفرس [:(]