نجلاء خليل تكتب : وقف القلم محتار

وقف القلم محتار
وقف القلم حبه مش عارف أكتب ايه
ولا اللي حاسس بيه
قلت له قول ياقلم كل اللي متخبي
الحبر من عندك
والنبض من عندي
وانا اللي حاسس بيه
صبر القلم حبه
ورسم تلات علامات
قلب وسهم وفيهم عصفورين أخوات
قلت ليه ياقلم راح تكشف المستور
واللي م سيره في يوم رايح يبان في النور
ضحك القلم قالي مالمستخبي بان
واللي في نيني العين بتفضحه الاقلام
والنبض في عروقكم بينادي ياإنسان
قول اللي حاسس بيه
ده العمر بيعدي واحنا مالقينوة
واللي في ضي القلب متخبي فكرينه
كل البشر يقرأه ماهو انت ياإنسان ......انسان
وماهو انت مهما حلفت السر بتقوله
ولا ينكشف مستور ولاعمره يتخبي
والعمر شايلينه جوا ملامحنا
ايه يعني لما نقول
يمكن تفيض روحنا
ده العمر بيعدي واحنا محسبينه
والله محسبينه
وترسمنا أو تمشي
ياخي لو تقول الحق
وتحس كلمة أه
وتموت في كلمة لأ
وتكشف المستور في القلب والنيني
وتحس ايه الفرق بين الحر والجني
يمكن ماكنت وقفت
ولاكنت اتلخبط