بنت مصرية ** إهداء لكل أهل الإسكندرية ولاد البلد الأحرار...بقلم حسن البدوي

المهنة صحفية
جريئة ووطنية
بنت مصرية
وبلدها اسكندرية
... عروس البحر
واسكندرية مية مية
ترابها زعفران
حلوة وماريا
أرضها صلبة وعفية
وهواها عبير الزهر
شمسها صافية
والمية كمان دافية
وكلها سِحر
أبوالعباس وراس التين
الأنفوشي والمنشية
حي سموحة والعامرية
الكورنيش وسيدي بشر
فيها رجالة
وناس شغالة
لحد الفجر
ضحكتهم حلوة
وقلوبهم بيضا
بلون البدر
فيها ستات
حلوين شربات
يتحدُّوا الخوف
والليل والغدر
فيها ثوار
شرفا وأحرار
رافضين للقهر
وشباب واعيين
واقفين صاحيين
لوطنهم حارسين
على مر الدهر
في قلوبهم عزم
وقوة وصبر
كسَّروا أغلال
بيزيلوا جبال
يتحدُّوا الموج
بيهدُّوا الصخر
كلمتهم واحدة
وقلوبهم جامدة
واقفين بيغنوا لمصر
غنوة حب ونصر
البنت مصرية
وبلدها اسكنرية
عزيزة وأبية
بتحب الجد
ولابتخاف من حد
وقلمها جريء
يتحدَّى الخوف
يتحدَّى الكسر
بنت جدعة وثورية
والمهنة صحفية
-----------------------
إهداء
كل أهل الإسكندرية ولاد البلد الأحرار
[Share/Bookmark]