المنجة يا جمالها وحلاوة منظرها.. شهد وعسل قضمها- والغاوى يفرح لظهورها.. المنجة على العربية.. مرصوصة مية مية.. زى البنات العرايس.. حلوين أوى خالص.. فى الشمس سبايك دهب.. وباليل نجوم منورين.. ملكات جمال والنبى.. صفرا وخضرة وحمرا من كل مكان جايين.. يا ترى تدى الكأس لمين.. وابو البنات هنا واقف.. شنباته هنا حارس.. بناته الطعمين.. كل الفواكه ضلت.. السكة واختلت.. ما بين أجنبى البذرة.. أو صوبة واتسمت.. المنجة دى فى أرضنا.. أنواع كتير حلوة.. كل نوع والتانى.. غنوة وراها غنوة.. وآه يانى من السكرى.. فى حبه أنا مفترى.. أشوفه أقع من طولى.. وبكل فلوسى أشترى.