مصطفى محمود أبو إبراهيم ....يكتب فيلم سي عمر

مصر بلدنا ياناس
صبحت فريق كوره
من بعد وقف الدورى
والمتش والكوره
ودا وصف تفصيلى
للى فى الصوره
الكوره مع حسنى
أداها لعمر سليمان
والشعب لسه ثاير
سهران هناك فى ميدان
رجعها تانى عمرلحسنى
حسنى ياناس أتزنق
على شرم بيجرى
والمجلس العسكرى
الكوره دى فى رجله
خدها شرف لكن
الكوره مربوطه
فى رجل العسكر
وعلى سليمان مظبوطه
ومعاه كمان سنتر
وخدها عمر منفرد بالجون
يا حكم اوفسايت
لكن الحكم مجنون
عبد المعز قاله
حطها ف الجوووووون
وجوووون وجووون
يامصر دخل فيكَ
رجعنا تانى للظلم
الله يداويكَ
العزيه جالها ناظر
ايوه يابلدى جديد
ووصيه من مبارك
يكوينا بالحديد
والشعب كله بيفرح
عاوزها نار تقيد
مش قالوا علينا فراعنه
والذل عندنا عيد؟؟؟