نامى يا مصر .... بقلم عمرو الدمرداش

نامى يا مصر فى العسل نامى
اتغطى كويس وشدى اللحاف نامى
هتلاقى زرعك لوحده صبح نامى
وصناعتك واقتصادك مؤشر طلع نامى
00000000000
الصين تقولك يا مصر يا حلاوتك
تجارك بتختار منى ليكى نقاوتك
لعب اطفال زبالة بلاستيك يا طعامتك
اجهزة كهربية مكانس وعربية لسلامتك
00000000000000
تقولك يا دلعدى يا مصر احنا اخوات
اى حاجة بس شاورى وقولى هات
كحك عيد حتى واى حلويات
موبيليا للعرسان وعرايس كمان مفروشات
00000000000000
اوعى ياختى تتعبى وتعملى حاجة
انا بخدمك بعينيا انا والخواجة
ومش هاخليكى ابدا لاى شئ محتاجة
الابرة والصاروخ ومعاهم التلاجة
0000000000000000000
وامريكا تقولك يا ايجيبت اوعى تزرعى
القمح عندي ليكى ليه تزرعى وتقلعى
واى مكنة تعالى شاورى وارجعى
وخدى معونة كمان لا تحرقى دمك ولا تولعى
00000000000
وادى كمان سلاح للغفر بتوعك
بس اوعى على اسرائيل تفردى قلوعك
احسن اربط ايديك واكسرلك ضلوعك
وتبكى بالدم وانا ماسكاكى لويا كوعك
000000000000000
هابعتلك كمان قنوات كلها نسوان
ورجالة ملوطة وسحاق معاهم كمان
ومواقع على الشبكة تنسيهم ليالى زمان
وابنك يسقط بنطلون يكون عريان
0000000000000000
وصهيونة تقولك يا مصر يا حبيبتى
دا احنا ولاد العم بس انتى اللى خبتى
فرعونة مش عربية احيه عليكى يا مصيبتى
هاتفضلى عبيطة واى دقنى اهيه لو فلحتى
0000000000000000
انا مستعدة اساعدك يا بت فى زرعتك
وهازرع معاكى شتايل قطفتك
وهابعتلك سماد يخضر جلابيتك
يمكن ياكل ولادك ويحد فى خلفتك
000000000000000
وعندي بنات ياهو راح يعجبوا ولادك
محملين بالايدز لجل ما يهتكوا شبابك
وولادك بناتك راح يبقوا عزابك
هامسح بيكى القيم واكنس كل احبابك
00000000000
واوربا تقولك ايجبتو اخلعى حجابك
خدى المايوه البكينى البسيه لاصحابك
خدى كمان برفانات بدل ريحة هبابك
وادى كما بلوبيف طازة اكل لكلابك
000000000000000
وريحتك وحشة خدى منى صابون انواع
وادى كمان مكياج للبتاعة والبتاع
وجهاز يكبر يضخم اللى فهواكى شاع
بس ديما طاطى خليكى تحت القاع
00000000000000
ولادك هاموتهم فى البحر غرقانين
وهاكلهم حتة حتة على مر السنين
هاخليهم ينسوا انهم كانوا محترمين
واللى هاينبغ فيهم ما يكون من الراجعين
00000000000000
والعرب تقولك يا مصر ساعدينا
دا حنا المراكب وانتى يا مصر السفينة
وساعة الضيق راح جانبك تلاقينا
نشغل ولادك عندنا سواعدهم بتعلينا
00000000000
ولما ولادك يروحوا عند العرب يهينوهم
ويمصوا دمهم كمان ويسحلوهم
وحريم ولادك كمان يحاولوا يغصوبهم
واخرتها يطردوهم وبالجزمة يضربوهم
0000000000000
وكما راح يعدموا ولادك حتى الموت
وتانيين يستعبدوهم بضرب السوط
المصرى فى بلاد العرب عليه جبروت
ولو كان اسد هناك بيربطه كتكوت
0000000000000
لازم بقى يا مصر تفوقى لنفسك
وتنفضى من عليكى التراب اللى كسفك
ايه اللى مانعك عن المجد ايه اللى حابسك
يا مصر بقى فوقى بقى ياما لنفسك