لوحة بريشه فنان ..... قصيده بقلم رامي رشدي

شجرة ومضللة
علي وردة من البستان
قمرايه ومنوره
علي جنة الرحمن
وعاصفورين رفرفوا
فوق نيلك الفتان
نزلوا سوي وارتوا
من ماية الوديان
....
ومركبة ماشية....ماشية ومغربة
ماعرفش ان كانت بتبعد.... ولا دي مقربة
عليها راجل وبنتة لسا في عمر الصبا
بيفردوا الشبكة ويسئلوا المنان
أرزقنا ياربنا وافجرها يا رحمن
.........
وع الشط واقف هناك زينة شباب الحي
بيودع اللي مسافر ورايح بلاد برة
ويقلوا أوعي لحالك دى الغربة دي مُرة
واياك تهين نفسك وتبعها بالمرة
خليك فاكر يا صاحبي ان أمنا حرة
.......
وفي أخر الصورة بنوتة امورة
طالة من الشباك بضحكة مسحورة
والضحكة كانت للجدع اللي معدي هناك
بتقولة امتي هاتيجي وتاخدني أبقي معاك
دة انت حياتي ورحي انا سبتها وياك
وياتري وحشاك عيوني ولامش وحشاك
ولآخر العمر هافضل ياحبيبي استناك