حبة بحبة هنرجع تانى

المساواة فى الظلم عدل.. وبحبك ياحبيب العادلى
تطبيق أى قانون عالكل.. أحلى علاج للقهر الأزلى
كنت باشوف بعنيا حاجات.. بتخلينى ألوم على أهلى
إن محدش فيهم سلطة.. وسند ظهرى وأعيشها هلهلى
عربية بأربع أرقام.. متغيمة وراكبها نبيل
واقف ف مكانه الممنوع.. ف التحرير على شط النيل
جاله عسكرى غلبان وعويل.. قالو يا حضرة كده ممنوع
قاله إنت ماتعرفش أنا مين.. هاخرب بيتك وأنقل أهلك
وها تغسل عربيتى بالليل.. قاله يافندم آسف جداً أنا ماعرفش إن إنت تقيل
دلوقت مافيش حد تقيل.. حتى ولو كان قد الفيل
حقك تاخده وحقى تجيبه.. وصبرنا واهو الصبر جميل
شوارعنا الماشية بهمجية.. واختلافات معنى الحرية
عايزة قيادة رشد قوية.. وأمين عنوان للداخلية
عايزة كمان محو الأمية.. وحفظ العلامات المرورية
ندرس قبله قانون الشارع.. شرط عشان نركب عربية
ليه بنخالف ليه بنمانع.. ليه بنتبت ف الرجولية
حبة بحبة هانرجع تانى.. نتلم ف حضن الطبلية
محمد تاكس