لحظات من الضحك مع برج الحظ الحلمنتيشى

بقلم : علاء الغندور
**برج الحمل من22/3الى20/4
هو: لا تكن فظا غليظ القلب
و اديها شوية حنان تديلك محبه
هى : أتهدى يا شيخه ربنا يهدك
يا مفتريه يا متفرعنه
**برج الثور من21/4 الى 21/5
هو: ايه اللى رماك الرميه دى ,
أرمى لها دبلتها فى وشّها وأنفد بجلدك .
هى : سيبى بقا المرايه
وخشى المطبخ اطبخى لجوزك
.
أنتى نشفتى ريقه من اكل الديليفرى
**برج الجوزاء من 22/5 الى21/6
هو : دى ست نكديه أكسر لها
ضلع يطلع لها 24 ضلع
هى: الذوق مش نافع معاه
وريلله العين الحمرا
**برج السرطان من22/6 الى 23/7
هو: أرضى بقضاء الله و أصبر
يمكن تيجى لها مصيبه تاخدها و تخلص منها
هى : أقرب طريق لقلب جوزك معدته
. أهريه محاشى
**برج الأسد من 24/7 الى 23/8
=====================
هو : قليل البخت يلاقى
العضم فى الكرشه
هى : انتى بخيله فى الحب ,
أتصلى بيه ولو مره كل
شهر
** برج العذراء من24/8 الى23/9
هو : بسّتك يوم دخلتك ,
وريها الجحيم من أول ليله
هى : أحمدى ربنا أن فيه حد رضى بيكى
** برج الميزان من 24/9 اللا 23/10
هو: يا بخيل يا جلده فّكها شويه وأشترى لها يخت
هى : سيبك منه ونا هأّجوزك سيد سيده
**برج القوس : من 24/10 الى 22/11
هو : يا شايب يا عايب
ما لقيتش عروسه الا فى سن بنتك طيب أشرب بقى !
هى : تستاهلى كل اللى يجرالك ,
حد قال لك تحبى وتتجوزى موظف
** برج الجدى من 23/12 الى 20/1
هو : أحسن حل تقطع لها لسانها وترتاح
هى : خدى بالك منه ده مبصبصاتى وعينه زايغه
**برج الدلو من21/1 الى 19/2
هو : أهرب منها وأتجوز عليها
فلا يفل المرأة الا المرأه
هى : عينى عليكى وعلى حظك الأسود
أخلعيه وأنفدى بجلدك يغور
بفلوسه العجوز
** برج الحوت من 20/2 الى 21/3
هو : كفايه عليك أربع ستات
عايز أيه تانى يا بو عين فارغه
هى : يا واخده القرد على ماله
يروح المال ويفضل القرد على حاله
برج العقرب:
هو:محدش شايفك..اجرى وانفد بجلدك..
لأنك ان ماهربتش هتفضل تغنى: هتغنى ظلموه طول عمرك
هى:انتى شقيه ومفتريه..خفى على الراجل شويه..انا شايفه واقف على سور البلكونه..ألحقيه قبل ما ينتحر