هي مؤامره .... بقلم مصطفى محمود ابو ابراهيم

هى مؤامره
ولا مغامره تاه الدرب
ولا مقامره
يامجلس عسكر بطل كدب
شفت المنظر مطش الكوره
أصبح حرب قتل وضرب
بين الشعب من غير ذنب
الأمر جى من طره
هو إنته دارى إيه جرى
أمنك مرخرخ ياوله
هو إنته ناوى تكون كده
لحسنى والأنجال
والحكم صبح صادر
على مصر والأجيال
لازم نبوس الأيادى
نلبس طرح يارجال
منعول أبو الحكام
وعليك ياجنزورى
حكومه من غير راعى
ياناس دالونى
وزير داخليه فاشل
ياريت يروح البيت
كله كلام فى كلام
يرحل ويمشى ياريت
ومجلس شعب إتحسر
مابين يدوب كلمات
الكل عاوز مايك
يحكى على اللى فات
ومحاكمه صوريه
والحكم ع اللى مات
كان الأمل فى الشعب
الشعب صبح فاضى
عاوز علاوه وشكوى
علشان يكون راضى
وأزمة ورا أزمه
أحكم بأه يا قاضى
بنزين وغاز راح فين
ما راحو أولادى
شهدا كتير راحو
أصبحنا بنعادى
دوله فى بورسعيد
ودوله لبلادى
والفرقه جايه بفكره
كله بسبب كوره
كلب من الخانين
عاوزها محصوره
إعدم ياقاضى جمال
تظهرلك الصوره
شوف ياعم المخطط
ماشى ياسيدى إزاى
كله بيتخبط
والقتل رايح جاى
ومصر تصبح خراب
والكوره أفيونه
وتعلن الاسباب
وأحكام مجنونه
قتل بكل عجب
وترجع الصوره
صورة مبارك
وسوزان منصوره
ويضحك العادلى
وترجع مصر ملكيه
نفسى ياناس أكمل
ودمعى فى عنيه
خايف يابكره
تنسى تكون أخضر
نهرك يامصر أتغير
صبح بلون أحمر
فيضه صبح صرخات
أمواج بتتبعتر
أرواح كتير بآهات
وكل يوم أكتر!!!