سياحي نعم..رياضي لا

ياناس.. ياهو.. افهموا المسألة صح.. جميل ان نقيم سباق نيل للتجديف.. والأجمل ان نحول سباق الأقصر إلي محفل سياحي، العالم كله يتكلم عليه. لكن نقول ان ده سباق رياضي.. فاسمحوا لي هذا غلط.. احنا أصلا ملناش في التجديف.. نجدف بفلوكة نعم، ونتفسح في النيل شيء جميل.. لكن تقول لي اننا عندنا لاعبو تجديف.. اقول لسيادتك: انك غلطان.
ثم انه بامارة ايه عندنا تجديف.. علشان نادي جامعة ولا نادي ثاني علي نيل الدقي فيه شوية مراكب قديمة.. اسمحولي هذا تهريج.. في الأصل مقومات اللعبة مش عندنا. وكل اللي اتقال عليها في سنوات سابقة دجل.. والله يرحمه علي ابراهيم لا فاز في سباق سباقة دجل.
والله يرحمه علي ابراهيم لا فاز في سباق ولايحزنون.. وعاوزين تصدقوني ادخلوا علي النت. وهاتوا نتائج الاولمبياد الكتير اللي سافر فيها واطلعوا علي نتائجه.. تلاقوه الله يرحمه كان الاخير في مرة..
ياخسارة الفلوس اللي اتصرفت وياخسارة الوقت اللي ضاع، وياريت المستشار خالد زين زعيم وقائد اللعبة في السنوات العشرين الماضية كان حط همه وجهده واستفاد في حاجة تنفع.. الراجل ممكن يكون مفيدا وعظيما في تنظيم والاشراف علي سباق سياحي ضخم.. لكن تقول لي ده سبق رياضي.. اسمحلي انت غلطان.. والصراحة مفيش أحسن منها.