إظهر وبان عليك الأمان....مصطفى محمود أبو إبراهيم

بقلم : مصطفى محمود أبو إبراهيم
يا إبن مصر ياحر
تعال أوام هات الأمان
الكل يحكى بقهر
طهر بيتنا إزرع غيطنا
إحكى تاريخنا بفكر
الفكره كانت لشعب متألم
حزين ياناس لكن ما بيسلم
وكل غايته أنه يعيش بأمان
إظهر وبان عليك الأمان
قبل الجرح مايعلم
مصر بتروح من إيدينا
لكن ما بنسلم
الخطه كانت علينا
وربنا سلم
الشعب عطشان
إظهر وبان عليك الأمان
راحو الشباب منا
الدم سال ولو بمحال
تعال وإظهر مابينا
شبعنا شهدا ودعوه
وتعبنا من التأبين
شهدائنا راحو فداها
وشهدا كمان جايين
وإظهر وبان عليك الأمان
أهو إحنا كمان رايحين
رايحين للمفرمه
إدعى ربنا يسلم
نموت مش مشكله
لكن لمصر بنسلم
سلام ياحره يا بنت الاصول
كلب وسلط ولاده
بشكل مش معقول
مسحوله فى ترابه
والنخوه فينا تقول
ماتت رجالك يامصر
واللى عملها الغول
كلب وساكن قصر
إظهر وبان عليك الأمان
لكل عاشق لمصر
معقوله نشتم فى جيشنا
ندعى عليه ونثور
والجيش من ولادنا
مش ملك شاهد زور
يا مجلس العسكر
الجيش صمام بيتنا
إعقل كده وفكر
دى مصر حبيبتنا
إظهر وبان عليك الأمان
قبل الوقت مايعدى
وصافرة إنذار
فى مصرنا تدوى
فينك يا أبو الرجال
واقفين هنا بدرى
الشعب م الحرمان
دمه كده بيغلى
تلاتين سنه وزيد
أيام سوده فى حجرى
إظهر وبان عليك الأمان
ياللى عليك العين
وصفحتك بيضا
يامنور الخدين
وتحكى بإراده
خد مكتوب عليه
دى مصر ولاده
والتانى مكتوب فيه
طول عمرها رياده
إظهر وبان عليك الأمان
معقوله كده غلطه
إن الشباب بيغير
والصحوه ظهرت فيهم
وطالبو بالتغيير
والشعب كله ثار
فى مصر والتحرير
والكل قال ثوره
كمان تطهير
إظهر وبان عليك الأمان
دى مصر ف عينيا
ضحكوا علينا العسكر
وإيديكو فى إيدينا
قالوا دى مصر بكره
هاتكون سكر
سٌكر نبات يا بنات
ولا عقلم العسكر
راحو سَكرو الثورات
وشباب كان فرحان
بيفرق الشربات
ويعجن الحنه
لكن خساره يامصر
مالحقش يتهنى
وأظهر وبان عليك الأمان
ياللى فداك روحنا???