عظة للبنات .. قصة لنهاية عانس

انا س . ع وحيدة ويتيمة الأب .. مدرسة كنت مخطوبة فى العشرينات من عمري لابن خالتي ، ولكن لم تستمر طويلا ، وكانت مبادرة الفسخ مني وأقربائي قاطعونا بعد ما فسخت الخطوبة من ابن خالتي
والسبب الحقيقي أن ماما ست كبيرة ووزنها تقيل ومريضة كانت علشان تروح للدكتور تجيب عربية إسعاف وياخدوا 35 جنيه عشان يودوها ويرجعوها .. عشنا فى بيت ايجار قديم فترة لحد ما قررنا استئجار شقة ايجار جديد ، وبعد سنه الست المفترية صاحبة الشقة قررت تزود الايجار 300 جنيه مره واحده ، طبعا مكنش ينفع بقت كل ما تشوف حد أوصيه يشوف لنا شقه عشان ننتقل فيها .. طبعا بقى انتوا عارفين الكلام اللى يسم البدن بتاع الستات وانتى وانتى وانتى وكنتى بتتبطرى ومبترضيش بحد ما وصلت لسن 36 سنه بدون خطوبة ..
اه نسيت اقولكم ان ابن خالتي اللى كنت مخطوبة له تجوز وطلق وعنده بنت من طليقته ، بقت أقول لماما واقربائي انا لو كنت كملت معاه كان زمانى انا دلوقتى اللى مطلقه ومعايا بنت
دخلت فى حالات اكتئاب وكرهت نفسى لدرجه انى قعدت أقول انا مقصرة مع ربنا وانا معملتش حاجه لاخرتى وكلام من دا مبقتش أنام الليل خوف من انى أصحى ألاقى ماما توفت وبأتخيل هتعيش لوحدى الزاى
ماما واصحابها بقوا يتكلموا معى انه ممكن أتساهل شوية مع اللى بيتقدموا يعنى مش كل المطلقين وحشين
.. سعيدة قوي ندخل بقى على النهايه السعيده سعيدة قوي جالى تدريب تبع المدارس دا من حوالى شهر كده او اكتر شويه ، اتعرف علي شخص هناك واعجب بي وعنده 38 سنه وقالها مامتك قبلك وفى عنيا وعنده شقته ولم يسبق له الزواج