من وأنا صغيرة كان كل ما حد يقولي أو يسألني ده شلل أطفال ؟؟؟؟؟؟ الاقيني برد بمنتهي التلقائية لأ عيب خلقي الاقي الناس عينيها أحمرت وشعرها نكش وكأني شتمتهم ومسمعش منهم غير كلمة واحدة الكلمة دي حراااااااام ربنا مش بيخلق حاجة معيوبة عشان نقول عيب خلقي ، كنت بسكت واستغرب بس عشان كنت صغيرة مش كنت بفكر بس لما كبرت شوية ولحد الآن لما كان حد يسألني نفس السؤال المعتاد أرد نفس الإجابة والاقي نفس رد الفعل لأ وايه مش بس من ناس ملتزمة أو ناس كبيره من اللي بنقول عليهم دول بركة أو ع الله لأ ده أنا بسمع الكلمة دي من ناس متعلمة وثقافتها عليه والأجمل بقي لما تيجي واحده عامله شعرها ع الموضة ولابسه ميني جيب وبادي كتف وكتف تقولي أول ما تسمع الكلمة دي لاااا مش تقولي كده حرااااااام ربنا مش بيخلق شيء معيوب ، ضحكت في سري وقولت لنفسي لا يابت مؤمنة صحيح وأنا هروح النار إن شاء الله عشان الكلمة دي يالاهوووووي أيه هروح النار يادي المصيبة يعني أعيش متعذبة في الدنيا وأتعذب في الأخرة كمااااااان ، طيب ده أنا مش مصبرني ومخليني راضية بقضاء الله إلا عشان أخذ ثواب الصبر عند الأبتلاء قوم أروح النار في كلمة طيب بلاش ونبي ما هقولها بس حد يقنعني لما الواحد يتولد بحوض مش مكتمل وخلع في المفصل في الرجل والأيد كمان ده مش يبقي عيب برضه اه والله عيب وربنا خلقني كده أعترض يعني لأ مش هتعرض بس برضه مينفعش أقول لأ مش هقول الكلمة دي أصلها حرام وربنا مش بيخلق شيء معيوب أمال أنا أيييييييه واللي زيي كتييييييير يبقوا ايه طيب طيب بلاش دي خلاص أنا موافقة أن كلمة عيب خلقي كلمة حراااااااام بس هاتولي كلمة تانية أقولها بدالها ونبي مش عايزين ندخل النار في كلمة ولو مش عندكم حجة مقنعة يبقي نسكت ونبطل فتاوي هابلة مش تقنع طفل في الروضة
