خلاص خلصت

خلاص خلصت معدش كلام
معدش ما بينا اي خصام
انا وانت كيان واحد
متيجي نوحد الديان
انا وانت تكون احنا
عشان ما نعدي دي المحنا
وتسمعلي واسمعلك و تبلعلي وابلعلك
واعديلك تعديلي
عشان ما الجسر يتواصل وتسمع تاني مواويلي
خلاص خلصت
معدش ما بينا اي خلاف
منا وانت كيان واحد
في نفس الهم والازمه بقالنا سنين
وانا وانت ملينا بيت ولا ارضيه نبنيها
وبندور علي شغله بعد الضهر نقضيها
نوفربيها قوت يومنا
ونفس الهم والامراض
ونفس الجرعة تقتلنا
ولما نموت نفس الارض تجمعنا
فيبقي كلام ملوش معني اننا نبقي ايد واحده
مهو احنا كيان واحد
خلاص خلصت
معدش كلام
معدش ينفع القعده تجيلي بوفد للجامع
واجبلك وفد لكنيسه ونتغدي ونتعشه
ونعمل بس في موائد
وجوه القلب في جمرة
تولع في الوطن كله
بقولك ايه متيجي نفضها سيره
لا تزعل مني او ازعل في يوم منك
ويبقي ما بينا بس قانون
وانا وانت نعيش مع بعض في بلادنا
كيان واحد
معدش ما بينا دا الاعلام
ولا عاد بينا اي كلام من الهايف
انا راح اقول ومش خايف
يا ناس اعلامنا هوه الاصل في الخلافات
بيعمل فيلم ع الفاضي
ويعني ايه فلان اسلم
وواحد تاني متنصر
انا راح اقول وده الاسلم
لانا افخربان فلان ده اسلم ولا انت تزيد تيها بان صاحبنا ده اتنصر
دي حريه
ودين الله لخلق الله
لكم دينكم
ولي ديني
جراحنا تاني نفتحها
وتتعالج
بيد طبيب يكون شاطر
وانا عارف بان الشعب ده شاطر
وهوه اللي هيكوي الجرح
خلاص خلصت
تعالي تبني ونعمر
ويتباهو العيال بينا يقولو ابويا اسمه احمد
و عمي يناس يكون مينا