اوقفوا اعلان آريال

بقلم سالى عبد العزيز
أقصد اعلان نفسك في ايه يا حجه قالتلهم نفسي في شقه لابني وقالولها مبروك كسبتي معانا عمره ففرحت و كل اللي حوليها هللو وزرغطوا ما عدا طبعا ابنها اللي كان واقف وراها (عايز شقه)الاعلان دا بيفكرني بخالتي قطاطا وهيا بتقولوا فين تذاكر شارم الشيخ...بس مش دا سبب رفضي او أمنيتي اني مشوفش الاعلان دا تاني على الفضائيات..اانا برفضه بسبب ردود فعل هذه الاسرة البسيطة اللي حصلت وقت نزول الخبر عليهم من تهليلات وقبلات (أوفر أوي) على يد الحاجه والدموع الكثيرة..اولتي انهالت من أعين الجارات أو البنات بناتها...أمال لو كانوا في آريال وهبوها الشقه اللي هيا حلمها الأصلي كانت الحجة وجاراتهاعملوا ايه تعبيرا عن فرحتهم..يمكن كانوا هيبوسوا ايد كيس الآريال ولا هيبوسوا ايه...المشكلة ان الاعلان دا بيعرض على جميع الفضائيات المصرية الخاصة والعامة أي أن كل الاخوة العرب والشوام بيتفرجوا علينا..تخيل نفسك جالس على يمينك أخ مثلا لبناني وعلى شمالك أخ سعودي وبتتابعوا مسلسل وفاجأك الاعلان دا...أهانة..احنا المصريين غلابة أوي كدا.!!..بننهار ونقبل الأيدي علشان كل حاجه وأي حاجه!!ليه ما شفتش اعلان سوري ولا لبناني ولا سعودي بيجيب ولاد بلدهم البسطاء وينشروا أو يستغلوا بساطتهم وضعفهم..ليه احنا بس اللي بنستغل ناسنا..بنتاجر باحتياجهم..والله لو الاعلان دا بينزل على التلفزيون الأرضي بس ما كنت نطقت ..لكن الانطباع اللي بنديه للأخوة العرب عننا بيخليهم يستخفوا بنا ويسحلونا على أرضهم زي ما عملو في اللي علقوه من فكه بخطاف الدبايح من كام شهر في لبنان علشان كان متهم..لسه متهم..يا جماعه المصري في أي دولة عربية هو الأقل قيمة مقارنة بالجنسيات العربية الأخرى.....احنا شعب بسيط آه طيب آه عاطفي ومالو ..لكن بلاش نقلل من قدراتنا..اللي بيقول لبنته يا عوره الناس بتلعب بيها الكوره...
كاتبة وأديبة مصرية