الغيره وما أدراك مالغيره

الغيره وما أدراك مالغيره
دايمآ الست تلاقيها فى حيره
منكده على نفسها ومشغوله
جوزها شايف نفسه شويتين
واقف قدام المرايه دقيقتين
بيزبط القميص والبنطلون
ويسألها يا مدام البرفان فين
عندى مشوار مهم لمدة يومين
طالع مأموريه مع صاحبى حسين
أيه رأيك فى شنبى
مظبوط من الجانبين
ولا قصة شعرى
خايف يكون الحلاق كروتنى
الست مش قادره تتكلم
تبص بعنيها وتتألم
وتسأل نفسها
يا ترى رايح يقابل مين
تدعى فى سرها
حسبى الله ونعم الوكيل
الراجل مستعجل
تلفونه رن مرتين
بتحاول يا عينى تأخره
مش عايزاه يخرج بمنظره
!للى يخطف الكحل من العين
قلقانه المسكينه
جوزها على غير عوايده
بشويش عنيها راحت على التيلفون
كانت بالصدفه رساله
مش مفهومه !نشغلت اكتر
وقالتلوا قولى الحقيقه
!نت متشيك كده ورايح على فين
كلمه منه وكلمه منها
دبت خناقه بين الاتنين
الراجل خد فى وشه
ورزع الباب وراه من غير ما يريحها
والدموع نزلت من عنيها ساحه
وقامت جريت على التيلفون
!لحقينى يا ماما
جوزى ضربنى وساب البيت
وكدبت على مامتها
والسبب غيرتها
وحلفت هى ومامتها
يتغير كالون الشقه
ولما يرجع يشوف بقى هيبات فين
ودى كانت بداية الخراب
بين الزوجين
سببها الغيره
العيب بصراحه متقسم بين الأتنين
ممكن بقى حد يقولى المشكله
أساسها مين
فى !نتظار ردودكم
والعمل على حل المشكله
تحياتى أعزائى
أصدقائى الرجال والسيدات