البيوت اسرار

البيوت أسرار
كلمة وقالها عم مختار
قال يابنى مش عايز تحتار
اياك تحتك يوم بجار
ووسط اهل حتتك خلى غند وقار
ومحدش شوف أكلك الى جو الكرار
يخش الفرح بيتك ويباعد المرار
وتغمض عنك عين المفجوع والشهوانى والهبار
اوع يابنى تعلى صوتك
ولو جه لحد عنك موتك
ول قرصك الجوع من كتر قلة قوتك
عشان الحيطان ليها ودان
وشكوكتك لغير الله مذلة
ومحدش شايف الى جوا الحلة
دا الكلام والحديد يزودا في طينك بلة
ولو على قلة الشغل
الشغل مش عيب ولو تشتغل عتال على تريلة
وياريت يابنى لو حد ضايفك
تعرف ان كل حركة منك هو شايقك
لما تاكل عنده ابقى قل في اكلك
ولما تشرب ابقى خفف رشقك
والبطن ديما هي بيت الداء
ممكن قوى يجي منها حتفك
اوع بعينيك تتابع أهل بيت المضيف
دى عند الاصيل عيب مش نضيف
وفى قاعدتك ديما خليك خفيف
تحبك الناس ويعرفوا انك لطيف
موال
يالي عايز تصون نفسك دور لك على ولية
بس يا بني بشرط تكون من بنات هيه
نصيحة أمك ليك مش طالبة حاجة ليه
دنا يا بني بدعي ربنا يكفيك شر البلية
دور لك على واحدة تصونك
وما في يوم تفكر تخونك
وتمشى على هوا ظنوك
يا بني خد الى تحبك ومتخدش الى تحبها
دي الى ما تحبك ما في يوم تفتحلك قلبها
ولو حملت ليها تقلك وتقلها
الماظ ولولى ودهب او حتى ياقوت مهرها
تنكد عليك عيشتك وما تخفش فيك ربها
ولو في يوم عطشت تخلى دمك شربها
اما الى تحبك يا بني تحاول ديما تراضيك
في بيتها وعيالها وكل الي حواليك
وتبقى ديما قاعدة جنب رجليك
ولما تتطبطب عليها توطي تبوسلك أيديك