تعرف على شعارات "مليونية المعلم"

اتفق غالبية المعلمين المشاركين في مظاهرة الغد السبت أمام مجلس الوزراء على بعض الشعارات في "مليونية المعلم" للمطالبة بإقالة د.أحمد جال الدين موسي وزير التربية والتعليم والحصول
علي حافز الإثابة 200% دون المساس بأي مكافآت وتثبيت العمالة المؤقتة وإعادة تكليف خريجي كليات التربية لسد العجز بالمدارس.
ورفضت نقابة المعلمين المستقلة أي تدخل من قبل جماعة الإخوان المسلمين في قضية المعلمين، واصفة تصريحاتهم وعدم مشاركتهم في المظاهرات بأنها محاولات مستمرة من الجماعة لإجهاض ثورة المعلمين.
ومن بين الشعارات التي اتفق عليها المعلمون:
اسمع منى آخر كلام.. لا ابتدائية ولا إعدادية ولا ثانوية هذا العام.
اسمع مني آخر تصريح .. يجيبو الخسيس للتصحيح.
يا عزيزى ويا عزيزى.. المشير ده كان تلميذي.
يا عزيزى يا عزيزى... الوزير ده كان تلميذي.
بسم الله الملك الحق ... جينا نقول للباطل لأ.
علىّ وعلىّ وعلىّ الصوت ... صاحب الحق مش بيموت.
شد حيلك يا معلم ... دافع دافع واوعى تسلم.
قوم يا معلم صح النوم ...احنا بقينا آخر القوم.
قوم يامعلم ساكت ليه ... عاجبك حالك ولا إيه.
ولا دهب ولا ماس ... المعلم ما بينداس.
ارحل ارحل يا وزير ... المعلم فى التحرير.
ارحل ارحل يا وزير ... التعليم عايز ضمير.
ارحل احل يا وزير ... المعلم مش اجير.
يا مشير يا مشير ... يسقط يسقط الوزير.
يا جمال يا مغرور ... بكرة جاى عليك الدور.
يا وزير السياسات ... المعلم هنا مات.
يا وزير صح النوم ... النهاردة آخر يوم.
يا وزير يا وزير ... ملكش دعوة بالتعليم.
مش ماشين مش ماشين ... غير ومعانا قرار تعيين.
شلنا مبارك شلنا شفيق ... وأنت دورك فى الطريق.
يا جمال اوعى تدوسنى ... اوعى تغلط غلطة حسنى.
يا شرف فينك فينك ... الوزير بينا وبينك.
النقابه اخوانيه ... والعصابه هى هى.
يا اخوانى يا اخوانى ........مش هديلكوا صوتى تانى.