فيديو سارة طارق عن زواجها من سعيد طرابيك: مش واحد ألبس ليه مايوه

قالت السيدة عايدة، والدة الفنانة الشابة سارة طارق، زوجة الفنان سعيد طرابيك، إنها لم تمانع فكرة زواج ابنتها من "طرابيك"، مؤكدة أنه زواجهما على سنة الله ورسوله، وأن ابنتها لم تفعل خطأ أو أي شيء يقلل من قيمتها أو قيمته، قائلة:" مش أحسن ماتعمل حاجة غلط".
وأضافت "عايدة" خلال مداخلة هاتفية ببرنامج "يحدث في مصر" على قناة "ام بي سي مصر"، أنها سألت ابنتها قبل الموافقة رسميًا على الزواج عما تقتنع به، قائلة: "سألتها إنت جواكي مقتنعة بيه اقتناع كامل ولا لا؟.. لو مش مقتنعة اقتناع كامل الجوازة هتقفل".
وأوضحت أن ابنتها سارة ردت عليها، قائلة: "بصيت حواليا لقيت الشباب 99% مابيكملوش الجواز.. وبيطلقوا على طول وده بقيت حاجة محزنة"، وأضافت: "بنتى أقنعتني بطريقة كلامها ولقيتها مش باصة لحاجات كتير بيبصولها البنات دلوقت.. قالتلى لا أنا مش عايزة واحد اجري بيه على الشاطئ ولا ألبسله مايوه وأنزله البحر.. أنا عايزة أعيش.. وده حاجة تشرف أى بنت في مصر".
شاهد الفيديو: