ع المصطبة

جلسة مولد النبى

عقد مجلس برلمان المصطبة جلسته الأسبوعية في مندرة الحاج عرفة أبو زيد بمناسبة الاحتفال بالمولد النبوى الشريف بمسقط رأس الفلاح الفصيح بقرية روينة محافظة كفر الشيخ.
الرئيس: حضرات الإخوة الأحباب أهل القرية الكرام بعد أكل الفتة واللحمة وحلقة الذكر تعالوا ندردش في أحوال بلدنا مصر واقتراح موضوع المناقشة متروك لكم.
وتربينا علي الحشمة وأولادنا دخلوا الجامعات وأصبح الشعب كله متعلم، لكن اللي اخترع الموضة ربنا يحاسبه لأنه بيخرب أخلاق الشباب.
العضو النمرود: يا جماعة سيبكم من الكلام ده وتعالوا نناقش هموم الفلاحين اللي يعتبروا عصب الدولة وعمودها الفقرى.
العضو زعيط: والله أنا شايف السياسة اللي ماشي عليها الرئيس السيسي بالنسبة للفلاح سليمة مائة فى المائة وآخر قراراته كلنا عرفناها بخصوص قروض البنوك وأسعار البيع للمحاصيل والكيماوى.
العضو معيط: أنا عاوز أقول حاجة كمان، أنتم مش واخدين بالكم منها وهى استصلاح ملايين الفدادين اللي حاتعمل من الفلاح بنى آدم بحق وحقيق لأن الدولة واخدة الموضوع جد حقيقى.
العضو نطاط الحيط: أنا عاوز أقول حاجة مهمة خالص وهي أن الدولة تبدأ بمليون فدان الأول وتنفذ خطتها وتشوف الإقبال شكله إيه وبعدها تبدأ فى المليون الثانى.
العضو محمد موزة: والله أنا شخصياً لا أتفرج على القنوات اللى كلها فلافيس يعني كلامهم كبير وفوق مستوى غالبية أهل الريف.
العضو عبدالله إدريس: إحنا الغالبية العظمى من الشعب وكلام الناس الكبار اللي إحنا بنقول عليهم فلافيس لأن كلامهم تقيل علي فهمنا وإحنا عاوزين ناس تتكلم عن مشاكلنا في القرية لأننا نمثل أغلبية الشعب المصرى.
العضوة أم هبة: أنا عاوزة أعرف إيه الهوجة بتاعة اللبس العريان اللي بقي حاجة عادية في كل القنوات وكل ده علشان ما يحصلش زي قرى الخريجين اللي باعوها بعقود ومعها توكيلات للشارى حسب ما سمعت من بعض الملاك.
الرئيس: بعد الجلسة وحلقة الذكر ندخل على الفتة واللحمة وكل سنة وشعب مصر مسلمين ونصارى بخير.