فيديو.. أديب ينجح فى الصلح بين موسى والحسيني

تدخل الإعلامى عمرو أديب لفض الاشتباك بين الإعلاميين أحمد موسى، ويوسف الحسينى بعد أن تبادلا التراشق بالألفاظ عبر برنامجهما على فضائيتى "صدى البلد، و"أون تى فى".
ونصح أديب خلال برنامجه "القاهرة اليوم" على قناة "اليوم" الإعلاميين بتهدئة الأجواء وعدم السماح لجماعة الإخوان بالشماتة فيهما وتصعيد المواجهة بينهما.
ووافق الحسينى خلال مداخلة هاتفية بالبرنامج على عرض التصالح لكنه علق على هجوم موسى قائلا " انت عارفنى كويس، أنا حد من أهلى طلب مقابلة مبارك ويبوس جزمته؟"، مستدركاً "لكن اللى تشوفه يا أستاذ عمرو يمشى".. وهو ما رحب به "أديب" قائلا: "ربنا يخليك يا يوسف أنا عارف ان انت عاقل وبتحب البلد.. هما عايزينا نولع فى بعض يا "يوسف "، ورد الحسينى: "هما عايزين فرقة وده احنا فاهمينه لكن الاستاذ أحمد موسى انا بقول عليه الاستاذ عشان فارق السن لكنه معملش ليا اعتبار لحاجة وبدأ فى خطاب الفرقة" متابعاً: "عشان خاطر الاستاذ عمر اديب هلتزم بالمبادرة بشرط.. إن عادوا عدنا".
من جانبه تواصل موسى بمداخلة للبرنامج قائلا "أنا طول عمرى مبشتمش حد ولا بتطاول على حد.. بس لقيت الموضوع زاد عن حده، والاخوان بيشتغلوا على موضوع انهم يوقعونا فى بعض"، مضيفاً "الموضوع ده اتقفل والمهم عندى البلد".
واختتم أديب "اللى ضرب يوسف فى نيويورك هو اللى ضرب موسى فى باريس.. ولازم انتم الاتنين يقفوا امام العيال الصيع اللى ضربوكم".
شاهد الفيديو..