فيديو.. "أديب" ل"حماس": "انتهى عصر الأنفاق"

قال الإعلامي عمرو أديب، إن الحوادث الإرهابية الأخيرة التي طالت جنود الجيش المصري تمت عبر الأنفاق الممتدة بين مصر وغزة، مُضيفًا: «من بكرة هيبتدي الشغل وهنقفل الأنفاق من عندنا، بعد ما 70 واحد عدوا وقتلوا ولادنا بطن ونصف متفجرات، مفيش دولة في الدنيا توافق على استباحة حدودها».
وتابع«أديب»، موجهًا حديثه ل«حماس»، خلال برنامجه «القاهرة اليوم»، على قناة «اليوم»، مساء الإثنين: «تجارة الأنفاق دي خلاص بح مفيش أنفاق تاني، قولي أنت عايز إيه وأنا تحت أمرك في أكل وشرب ومواد بناء، عايز أي حاجة أعديهالك من فوق مش لازم النفق، وأنا آسف بقى مفيش حد بيطلب الأذن لا من شعبه ولا من جيرانه علشان يحمي أمنه القومي، انتهى عصر الأنفاق وبلا رجعة».
واستكمل: «إحنا مع القضية الفلسطينية ويوم ما حصل الضرب على غزة قولت للسيسي الناس دول في رقبتك، لكن هدفنا الآن أنه لا أنفاق بعد اليوم، إخواتنا على رأسنا إنما ولادنا بدمنا نحميهم، أنا صبرت كتير واستحملت كتير ومات لي كتير وكفاية كده، مفيش دولة في العالم بتسمح بالمسخرة دي على الحدود، ولادي زي ولادك، ستاتنا زي ستاتكم من حقنا نأمنهم ونعيشهم، فوداعًا للأنفاق».