ناشطات لأحمد عز: "أنغام وزينة" بداية نهايتك

أثار نشر عقد زواج الفنان أحمد عز من المطربة أنغام جدلًا كبيرًا على مواقع التواصل الاجتماعى "فيس بوك وتويتر" حيث شن النشطاء هجومًا لاذعًا على عز خاصة أن هناك قضية إثبات نسب لتوأمين رفعتها ضده الفنانة زينة.
من جانبها قالت مايا وهبى: "حسبي الله ونعم الوكيل فيك، انت فضلت تنكر من زواجك من أنغام لغاية ما الناس صدقتك وبقت هتعيط عليك كتر ما نكرت"، مضيفة "ودلوقتى الأسلوب نفسه عمال تشتغله مع زينة يا أخي إزاى أنت مش راجل ومش قد المسئولية تبلي بنات الناس بهبلك ليه والعيال البريئة ذنبها ايه ما تخاف هيجيلك يوم وتندم كتير وربنا ينتقم منك وان شاء الله نصر زينة وكشف ظلمك وكدبك قرب".
وهاجمت رانيا زين الفنان احمد عز، قائلة "ربنا يفضحك كمان وكمان، ورينا هتنكر ازاى الخبر ده، ربنا ينصرك يا زينة انتى وعيالك احنا مصدقينك و كلنا معاكي".
وأضافت جيهان نصرى:" فضلت تغطي على كدبك وتقول متجوزتهاش و فيه ناس صدقتك بس ربنا كبير و مبيضحكش عليه، وفى النهاية الحق لازم يظهر ده حق اتنين ملائكة و امهم و لازم يرجع اتقي الله بقا و اعترف، و لا اقولك بلاش الحكاية واضحة زي عين الشمس، يا خسارة كنت بحبك دلوقت مش طيقاك".
وقال شريف علي :"ظهر احمد عز فى الأسابيع الماضية على الشاشات يعلن أنه لم يرتبط بزواج من قبل ويتضح كذبه وقيامه بالزواج من الفنانة أنغام ويستمر فى الهرتلة وحياته الفاشلة فى كافة أعماله الفنية ويخسر الجميع حتى أعز أصدقاءه فهو لم يصدق مع نفسه ولم يصدق مع الآخرين وفشل المسلسل الذى قام بالاشتراك فى إنتاجه فهذه هى بداية سقوط ممثل فاشل".
وأشارت ماريانا، إلى ان عقد زواج عز من انغام دليل ادانة لزينة لانه معناها انها لا تملك عقد زواج عرفى زى ما بتقول، فهل يعقل ان لا يكون عندها حتى صورة على الموبايل من عقد الزواج العرفى المزعوم.
وأضافت أسماء أسامة "وهي يعني مش عارفة تجيب عقد جوزها هي بتجيب عقد جواز غيرها وغير كدة اللي يخلي واحد بيتجوز حتى عرفي ايه اللي يخليه يتجوزها هي شفوي أن شالله اتجوز 100 واحدة انت بثبتي حقك انت جوازك انت ولا جواز التانيين".
بينما قالت رغدة منير "صورة من عقد جواز انغام وعز طيب ماشي خلينا معاهم للاخر بفرض ان ده حقيقي ايه الدليل ف كده ان عز ليه علاقة بزينة ولا هو استهبال وخلاص، ثانيا ده ان دل يدل علي ان العقد ده ينفي بشكل نهائي وجود عقد جواز عرفي بين عز وزينة كما تدعي شكلا وموضوعا لانه الاولي بالنشر والتقديم للمحكمة ثالثا وده الاهم ان كل هدف زينة من الليلة دي هو انها تطول من مدة التشهير بعز اطول فترة ممكنة عشان يفضل الرأي العام مشغول بالقصة دي وطبعا ان سواء المحامي الاول ولا التاني معندهمش حاجة يقدموها للمحكمة واحب اقولها ان لو عندك اي دليل قوي علي كلامك صدقيني كنتي خلصتي الليلة ".
وأضافت وهج " زينة اخطأت وعارفه بس عياله ياناس ياعالم عمرهم سنه بدون اب هي ماجابت سيرة انغام بالعاطل قالت متزوجه لتبين للراي العام انو فعلا متزوجها بالسر هو انكر قدام النيابه انو ماتزوج من قبل لا انغام ولا زينه ولاغيرها حرام باعت كم واحد يهتف بااسمه ضد عياله ضد لحمه ودمه هذي بحد ذاتها كسر بالاطفال ابوي يجمع ناس ضدنا يالشعب المصري يالناس المحترمه عز وزين يبون حقهم يبون شهادات ميلاد من أب ظالم ظالم أين القضاء احمد عز لازم يحلل لوفي الغرب اكسروا انفه بالمحاكم هو ومحاميه".
ومن جانبها لفتت "ايمى سمير" الى ان العقد لا يحمل اى امضاءات ولا ختم وقد لا يكون صحيحا، مضيفة " الفن يعني الإحساس انت فنان معندكش ذرة من الإحساس يا احمد عز اعتذر، قصدي اعتزل الزمن ده حاجة كبيرة. مواعظ كثيرة كل حاجة بتتوليد صغيرة. الا. الموت. بيتولد كبير وبيصغر. مع الزمن. خافوا الله فى. آخر ياناس".
وقال عبدالله السيد "إذا ثبت أن عقد زواج الفنان أحمد عز من الفنانة أنغام، والذى تم فى يوم 29 يوليو من عام 2011 الماضى، بحس.فهذا دليل إثبات في صالح احمد عز.وذلك يبين انه حينما كانت له ارادة الزواج فقد تزوج بعقد رسمي وشهود وتوثيق.أما تعمد إخفاءه للزواج وكذبه فيمكن تبريره انه موجه للاعلام وان الفنان له خصوصيته وظروف اجبرته على ذلك واي كلام. في كل الظروف سيبقى الاطفال هم الضحايا الاساسيين".