لميس ل"حمدى قنديل":

"عمرك لن يكفى للتكفير عن خطاياك"

هاجمت الإعلامية لميس الحديدى، الإعلامى الكبير حمدى قنديل، بسبب تصريحاته الأخيرة عن الإعلام المصرى بأنه "إعلام سوقى يستفز الجماهير"، قائلة له: "لما هو سوقى بتظهر عليه له؟ دا إنت ضيف على كل المحطات، بنفتح الحنفية نلاقى حضرتك".
وواصلت "الحديدى" هجومها اللاذع على الإعلامى الكبير خلال برنامجها "هنا العاصمة" الذى يذاع على فضائية "سى بى سى" قائلة: إنت راجل "class"، إيه اللى يطلعك فى برامج زى دى؟ إنت كنت قابع بتدافع عن مرسى واحنا كنا بنتصدى لمرسى فى 30 يونيو، ودى مش غريبة عليك، هاجمت هذا الإعلام فى حكم مرسى فى مقالك فى "المصرى اليوم".
وأضافت: "لو قضيت حياتك كلها تعتذر على خطاياك مش هيكفى، قعدت سنين تدافع عن بشار وتضلل الشعب السورى وتقنعهم إنه مش توريث، بس يظهر إن الأستاذ حمدى بيكتب مواقفه بقلم رصاص فاكر إنها بتتمسح، المواقف بتتحفر فى عقول الناس، الاعتذار مابيمسحش الخطايا يا أستاذ حمدى".
وتابعت: "لو مش هتعتذر للشعب المصرى هتعتذر امتى للشعب الليبى؟ انت سبت اللى قولت عليه بأنه ديكتاتورية مبارك وارتميت فى حضن ديمقراطية القذافى، ودافعت عنه بفلوس مسروقة".
شاهد الفيديو: