فيديو:

سكان عشش عزبة النخل..أحياء على أبواب الآخرة

وجوه يكسوها يأس الزمن، تصرخ قسماتها بشواهد مأساة يندى لها جبين أصحاب الكراسى والسلطات، لم يحلموا برغد العيش..إنما فقط غرفة تأويهم من غدر الزمان، ولكن هيهات أن يتحقق الحلم فى زمن يتوعد بالويل لكل من يصرخ بحقه فى وجه طغاة تناسوا أوجاع رعيتهم.
"عيش، حرية، عدالة اجتماعية، كرامة إنسانية" مبادئ قامت عليها ثورة شعب اختنق بالأزمات والأوجاع لعقود طويلة.. فخرج ثائراً وعاد مُخيباً، بعد أن تحطمت أحلامه الفقيرة تحت أنقاض أطماع السلطة.
تلك هى مأساة سكان عشش عزبة النخل، الذين قادهم حظهم العاثر لبناء غرف تأويهم تحت كوبرى آيل للسقوط، فانهار دون انذار مسبق، فعاشوا فى العراء..لم ترحمهم المحافظة فأكملت بالقوة هدم ما تبقى من فتات الأحلام..ولم تمنيهم ب"سترة" تأويهم من عراء الشوارع والنوم فى الخلاء..حتى صاروا هم وأطفالهم على شفا حفرة من الموت جوعاً وبرداً.
ففى أحدى الخيام التى انتشر بمحيط انهيار الكوبري، اعتلى العلم المصرى احدى زوايا الخيمة، معلناً العصيان على افعال محافظ القاهرة ورئيس حى المرج التى فاقت حدود الظلم.. ليخرج علينا "احمد نشأت"، صاحب الخيمة، رافضاً الحديث معنا او التصوير، صارخاً بعلو صوته "كفاية ظلم..احنا اترمينا فى الشارع بقوة الامن المركزى ولم يرحموا اطفالى اللى هيناموا فى الشارع" .
حاولنا تهدئته ومعاودة الحديث معه، لكنه قاطعنا بجملة واحدة " الاعلام كل يوم بيصورنا ومحدش فكر يساعدنا..لا المحافظ.. ولا رئيس الحى..يا ناس ارحمونا عيالنا بتموت من الجوع"!.. فتركناه بعد ان تضامن معه بعض اصحاب الخيم الاخري.
توجهنا لخيمة بسيطة اتخذت مكانها فى أقصى المنطقة.. اتخذ صاحبها "أحمد ثابت" من بعض الأقمشة المرقعة ساتراً له من حر النهار وبرد الليل.. وجدناه نائماً محملقاً فى الفراغ، قال لنا ببساطة " متحاولوش تعملوا حاجة.. عشان مفيش حاجة هتتحل، رئيس الحى نفسه وعدنا انه هيوفرلنا سكن ومأوى وجمع اوراقنا واسامينا..ولكن بعد ما مشى لقينا كل ورقنا مرمى جنب سور محطة المترو على بعد 100 متر من المكان.. وجزء منه محروق"!! .. وتابع "انا خايف اروح شغلى وارجع ألاقى الأمن بيخلى المكان بالقوة".
وتدخلت الحاجة" رشا السيد" التى تجاوزت الخمسين من عمرها قائلة وهى تغالب دموعها "الامن المركزى ضربنا وهدم العشش على كل حاجة من لبس واكل ..الخ، حراام كل ده بجد" وتساءلت " هواحنا نزلنا فوضنا الجيش وصوتنا ع الدستور ب"نعم" عشان نتهان ونبات فى الشارع احنا وعيالنا..يرضى مين ده يارب"!
وعلى الجانب الآخر من البقعة التى احتلت الخيم معظم جوانبها..وجدنا اطفال تبكى جوعاً وأُخر يلعبون ببقايا القمامة .. سألنا احدهم عما يفعل فأجاب ببساطة " بلعب عشان لعبى كانت فى عشتنا اللى اتهدت!".
وتدخل "خميس سالم" جار الطفل قائلاً" يوم ما العشش اتهدت كنا 80 اسرة .. لكن دلوقتى وبعد تجاهل المحافظ والحكومة لمطلب السكن اصبحنا اكثر من 300 اسرة .. وللاسف العدد يزداد كل يوم" واستطرد كلامه "احنا كدة حقنا بيضيع والحى ومش هيعرف مين اللى معاه شقة وجاى ياخد حقنا ومين مش معاه" مطالباً رئيس الحى بسرعة تنفيذ وعده بتسكين المتضررين واجراء حصر بمن يستحق ومن لا يستحق.
وصرخت الحاجة "عايدة حسن محمد" رافعة يديها للسماء شاكية امرها لخالقها قائلة" يارب ارحمنا .. احنا بننام متعريين فى الشارع والناس بتتفرج علينا،حتى جهاز التنفس اللى بتنفس منه وقت الازمة هدوا العشة عليه".. واكملت كلامها كأنها تحادث نفسها " يرضى مين انام انا وبناتى فى الشارع . . انا مش عايزة سكن .. انا مسمحاهم.. انا عايزة عشة تأوينى من البرد وعيون الناس"..محافظ القاهرة ورئيس الوزراء ان ينظر لحالهم البائس بعين الرأفة .
وتدخلت أم محمد قائلة" يعنى لا مأوى ولا أكل ولا ميه كمان!.. حتى جامع ربنا منعنا من دخول الحمامات..يارب ارحمنا" .. وتأكيداً لكلامها وأثناء حديثنا معها، ذاع المسجد القريب من خيامهم إعلاناً بمنع دخول السيدات أو الرجال أو الأطفال من سكان الخيم لدخول دورات المياه به.. سابقة غريبة تعد الأولى من نوعها فى تاريخ الإنسانية والرحمة.
وبعد أن انتهينا من جولتنا بمحيط العشش المتضررة.. حاكت الاستغاثات والصرخات مأساة "أهالى الدويقة" التى تكررت وستتكرر ما دام "العيش" غير مكفول للفقراء!.
شاهد الفيديو..