شبكة الموساد" شبكة واحدة بتضحكنا كلنا"

أثار خبر القبض على الجاسوس الإسرائيلي والذي قام بتدشين صفحة على الفيس بوك ونشر صوره سخرية شباب الفيس بوك من تصرفاته بعد وصفه بأهبل وأغبى جاسوس في العالم.
دشن نشطاء على الفيس بوك صفحة باسم "شبكة الموساد- شبكة واحدة بتضحكنا كلنا " وكان من أبرز التعليقات التي تسخر من ضابط الموساد .
- سألوا الجاسوس ايلان عن رأيه في العمل المبكر في الجاسوسية
رد وقالهم:
يعني ع الساعة كام كده هههه
صبح صبح .. جاسوس مأنتح
- يلا يا جماعة أسيبكم أنا تقولوا مغامراتكم مع الموساد ههههه
وطبعا ماتنسوش تشيروا الصفحة .. أنا رايح أشرب هوت شوكليت مع الجاسوس على كوستا .. ساعتين زمن وجي تاني.
- هو محدش يا جماعة ألاقى معاه طب دليل الجاسوس .. أو كتاب كيف تصبح جاسوسا في 24 ساعة.
- تصريحات رأفت الهجان بعد القبض على الجاسوس الإسرائيلي الغبي :: آسف لحال الجاسوسية سحقا للمبتدئين.
- الجاسوس اللي على حق مايقولش للصور لأ
- رأفت الهجان وجمعة الشوان يتقدمان ببلاغ للنائب العام ضد الجاسوس الإسرائيلى بتهمة الإساءة للمهنة.
- بيقولك الإسرائيليين هما اللى بلغوا عن الجاسوس بتاعهم لما لقوه عمال يبعزق فلوس الموساد على الفسح والخروجات
- النيابة للجاسوس: أنت جاى تتجسس ولا جاى تهرج؟
"- الجاسوس يعلن: لم أكن أنتوى التجسس لفترة ثانية"
- بجد جاسوس مسخرة"، "أول مرة أشوف جاسوس كل إمكانياته كاميرة موبايل وفلاشا والمعلومات اللى بينقلها صور له.. مكلفش الموساد تدريب ب 18 ج على بعض"
- جاسوس فريد من نوعه .. أول ما الحبر السري بتاعه خلص بقى بيكتب على الفيس بوك ههههههه
- عاجل جدا ومؤكد من داخل النيابة: الجاسوس يتمنى الموت على أرض مصر
- تنهد رأفت الهجان تنهيدة طويلة وهو يرى بروفايل الجاسوس على الفيسبوك قائلا "المهنة لمت يا جدعان بصراحة دي لمت قوي ههههه".