خلال لقائه بعدد من القادة والضباط..

فيديو..السيسى: "اللى بينصر العباد ربنا"

عرضت فضائية "اون تى فى"فى برنامج "صباح اون" اليوم الخميس،" فيديو للفريق أول عبد الفتاح السيسى القائد العام للقوات المسلحة خلال لقائه بعدد من القادة والضباط فى أحد الاجتماعات، يتحدث خلاله بود وارتياح.
قال الفريق عبدالفتاح السيسى فى حديثه للضباط :"خلى بالك الأدب جزاءه الجنة، ورسولنا الكريم قال "ما وجدت فى الميزان أثقل من حسن الخلق"، أنا عاوز أقول لكم اللى بيمتلك نفسه عند الغضب هو الفائز، واللى بينصر العباد ربنا".
وأضاف :"لن أسمح بالتجاوز من أى حد ضد أى حد، خلى بالك، أنت كمان خليك راجل، الجيش عاوزنا رجالة والبلد عاوزانا رجالة وما نختلفش مع بعض،ولازم تساعدوا بعض، الضابط والصف والجندى، كان لكم سنة ونصف فى الشارع، خدتوا حاجات كتير من الشارع هتتصفى فيما بعد، ومدير الشرطة وأفرع الشرطة الموجودة فى الجيوش والمناطق، مهمتهم تسهيل عملكم، وعربية الشرطة اللى واقفة، لازم تخدم ضباطنا وصفنا وعساكرنا بجد، ونخليهم فى الشوارع عشرة على عشرة، وخلى بالكم اللى مش بيعمل كدا بيهد الجيش، وده أمر مش هقبله ولا هسمح بيه، ما تعملش كمين لزميلك اللى بيخدمك".
وتابع :"اللى يكسر نفس العساكر وبيهين لن يكون مقاتل ابدا هذه هى تجربتى انا عمرى ماقولت لملكى او ميرى "كلب" كانوا بيقولوا هتبقى ضابط غلبان ،وكنت أرد: الله غالب على امره".
وإشار وزير الدفاع إلى أن الضباط لابد أن يستغلوا قدرة ومكانة القوات المسلحة، وعدم إهدار الموارد المتاحة، وأنا أفكر معكم دائما، ولكن لازم نخلى بالنا من أفكارنا، والشائعات اللى الناس بتتكلم فيها.
شاهدالفيديو..