نظف بيتك ورشه متعرفش مين هيخشوا

دلوقتى بقى يا حبايبى شوية نصايح ليكم على الماشى كده
• 1_اعرفى ان الانطباع الاول هو اللى بيلزق فى دماغ الناس
يعنى لو هما شافوا انك نظيفة ودمك خفيف من اول وهلة
خلاص هيبقى ثابت فى دماغهم كده
اما لو جوزك او اهله فى اول الجواز لاقوكى مهملة اوى ومش نظيفة والبيت مش نظيف
مهما عملتى بعد كده خلاص هو الانطباع الاول
امشي بالمثل
نظف بيتك ورشه متعرفش مين اللى هيخشه
فانتى دايما دايما خلى شقتك نظيفةو مستعدة لاى حد
انتى ممكن حتى وانتى فى الشارع او بتزروى حد
تلاقى زوجك واحد صاحبه جاله وطلع الشقة
فانتى عودى نفسك على كده
هاتى الرياشة اللى هى فيها ريش زى ريش النعام اللى دايما موجودة فى المحلات
بينظفوا بيها البضاعة
حلوة اوى اوى اوى اوى
ممكن وانتي بتتكلمي فى التليفون تاخدي الرياشة وامشى على خشب الشقة كله ولمعه
ومشكلة التراب انتهت
يوميااعملي كده وعلى طول الخشب يلمع
• 2_دايما خزنى عندك فى الفريزر اى حاجة تتعمل عصير
علشان لو اتزنقتى فى ضيوف وانتى مش عارفة تتصرفة
قطعة منجة او فراولة او جوافة وخزنيهم
هاتى لبن اغليه وشيلية وخلى عندك كاسترد مهلبية جيلى اى حاجة
وده بيحسس جوزك انك فى استعداد لاى حد وان لهلوبه متززنقش
وبرضه وانتى بتجيبى حاجة البقالة بتاعتك
هاتى البن والنسكافيه والكفى ميكس
برضه بتبقى لذيذة اونتى بتقولى للضيف شاى ولا قهوة وفى نسكافيه لو عايز وكده يعنى
وكمان هاتي ينسون وكركديه ونعناع باكتات للستات الكبيرة اللى مش بتحب الساقع او الشاى
3_لما تبقى عارفة ان فى ضيف جاى جهزى حاجتك من قبل ما يجى
سواء كان عصير او حتى كبايات الشاى لو هتقطعى فاكهة لو هتطلعى كيك
بحيث انهم لما يجوا مش تسيبيهم نص ساعة تحضرى جوه فهما يضايقوا
لأ
اولا هيقولوا انك بطيئة جدا
وهيقولوا تعالى ياعروسة احنا عايزين نقعد معاكى
فلا انتى خليكى لهلوبة كده وسريعة لان الحاجات دبه والله بتعجب اوى زوجك وبتخليه مبسوط منك
فانتى على طول تبقى رقم واحد وتبقى مش مخلية وراكى اى حاجة
3_برضه قرب معاد الضيوف عطرى شقتك وهويها
ساعات كتيرة اوى الشقة بتبقى مكتومة واحنا اللى فى البيت مش بناخد بالنا لاننا موجودين فى الشقة لكن اوى ما حد يدخل بيعلق على الاقل من جواه ويقولك افتحى الشبابيك
لا فانتى قبل ما يجوا ياريت
• عود بخور لو كان زوجك بيحبه
• او معطر جو كده
ولو معندكيش ياستى اتصرفى
• ورشى اى برفان من بتوع زوجك
علشان اللى يدخل ينبهر ينظافة ورحية شقتك
صدقينى الانطبعات ديه بتفرق
4_وانتى عند حماتك متبقيش تقيلة كده خليكى نشيطة كده وحركة
يعنى لو زوجك قالى عايز ماء
تكونى اوى واحدة روحتى وجيتى
لو حماتك قالت جهزوا العشا خليكى انتى اول واحدة قمتى وعملتى
عودى حماتك انك شعلة نشاط بالذات لو كانت حماتك من النوع اللى هتقدر ومش هتستغل نشاطك ده
لكن
كل ده كوم ولما يكون زوجك موجود كوم تانى
طبعا جوزك لامس انك بتعملي كل ده
بس مثلا لو انتى وحماتك واخت زوجك موجودين وهتجهزوا العشا
مين اللى يقوم؟
خلى بالك زوجك موجود
طبعا انتى
حتى لو اخت زوجك مقامتش لان انتى بتخدمى زوجك اولا
وكمان مينفعش ابدا ان حماتك الست الكبيرة تعمل وانتى لا
فانتى لازم تقولى وتبقى نشيطة علشان زوجك مش يلاحظ اى حاجة وكمان
هيزعل من جواه
لكن لما يلاقى انك شايلة حماتك على عينك وانه مينفش ابدا انتى قاعدة وهى واقفةهيقدرك
اما اخوات زوجك انتى لو كويسة وحبيتهم من قلبك حببيهم فيكى وشجعيهم يالا يا بنات تعالوا نعمل كذا وخليكى انتى القائدة ياستى
واوعى فى يوم من الايام تقولى اللى خلى بنتها اخت زوجك مقامتش
اقوم انا ليه
لالالالالالالالالالالالالالا
انتى بتعاملى ربنا وبترضى حماتك مهما كانت قاسية عليكى لانها ام
4_دايما ادخلى معظم زياراتك عند حماتك وانتى فى فى ايديكى حاجة
حتى لو شوية لب بجنبه و سودانى
بتحسسيهم انك مش بخيلة وانك صاحبة الروح الحلوة
وكمان حماتك هتفرح اوى اوى بيكى
اى اى حاجة تحسسها بيكم انتى وابنها
وخلى بالك الحما او الحماة بيفرحوا اوى لما يحسوا ان ابنهم اللى جوزه وكبروه مش ناسيهم
حتى لو هما مش محتاجين ومعاهم اكتر من الى معاكى انتى وزوجك
لا ادخلى باى حاجة
تعلى وانتى بتجيبى طلبات الشهر بتاعتك
هاتى لحماتك
4 كياس مكرونة على ملح على شاى على لبن
هتلاقيها مثلا 20ج الحسبة لكن دخلتك بالكيس عليها بالدنيا
وكمان ربنا هيباركلك انتى وزوجك فى مالكم ورزقكم
5_لما تلاقيهم بيتكلموا على حد منهم
مثلا اخو زوجك
عمتهم او خالنهم او اى حد من طرفهم
لو لاقيتيهم بيتكلموا عليهم بزعل او حاجة
انتى اوعى تنطقى نهائى
هما احرار وعيلة فى بعض انتى لا وكلمتك انتى ممكن تتمسك عليكى
يعنى مثلا انا زوجى دلوقتى بيكلمنى وبيشتكى من اخوه
وفعلا اخوه يساهل
انا بسكت خاص
اقول معلش هو مكنش يقصد
معلش ده هو عسل وغلبان
مع انى من جوايا زعلانة اوى ونفسى انا كمان اعبر عن زعلى وغيظى لكن لأ
كده هيتعود انه ممكن فى يوم من الايام يغلط فى اهلى انا لو غلطوا معاه
لدرجة انه ممكن يقولك انتى على طول تدافعى عنهم
انتى متخيلة يعنى على طول ادافع على اهله هو
واراهن انه من جواه بيبقى مبسوط اوى
ولو مرة حصلت مشكلة مع اهلك مثلا وهو غلط
وقفيه بقى بذوق
وقوليله ده انا عمرى ماعملتها عند حد من اهلك؟؟؟
طبعا هو هيسكت لان عندك حق
انتى باخلاقك وبذوقك بتربى زوجك وبتربى اللى قدامك
على اللى اتنى عايزاه
وفى الاخر هو اول واحد هيشهدلك ويقول حق ربنا فيكى
فهمانى ياعروستى
ديه اخطاء كلنا بنقع فيها اول الزواج واهتمى بكل حرف انا قولتها ومستهونيش بيه