فيديو ريم ماجد لمرسي : إرمي بياضك

علقت الإعلامية ريم ماجد، على الحالة الحرجة التي تمر بها مصر الآن ، قائلة "احنا في السكة ل30 يوني وربنا يجعل سكتنا المرة دي سكة السلامة ويتوب علينا من سكة الندامة وسكك اللي يروح ما يرجعش " .
وتابعت، من خلال برنامجها " بلدنا بالمصري ، على قناة " اون تي في " : " لو في حاجات لازم تروح والله لا يرجعها ابداً، فهي القهر والظلم ولقمة العيش المتغمسة بالذل والمهانة ، ولو في حاجات لازم تروح ومترجعش أبدا فهي الخوف والعجز وقلة الحيلة والمشي جنب الحيط ".
واستطردت كلامها، قائلة: "لو في حاجات لازم تروح ومترجعش فهي التكفير والتخوين وفرز البني آدمين، ولو في حاجات لازم تروح ومترجعش فهي الموت ببلاش والدم اللي بيروح هدر ولوم الضحية وتطييب خاطر الجلاد، و لو في حاجات لازم تروح ومترجعش هو أننا نرمي نفسنا في التهلكة فاكرينها ارحم من النار مع أننا نستاهل الجنة ونعيمها".
وقالت: "احنا الشعب صاحب السيادة وصاحب المقام العالي .. يؤمر ويتأمر .. وهنياله اللي يخطب وده.. ويا ويل اللي يعاديه، الحقيقة الوحيدة اللي تسد عين الشمس ومش محتاجة قوالة هي ان الشعب والشعب ايد واحدة ".
وتابعت : "الإيدين اللي اتمدت على الشعب والنهاردة ليها شوق تتمد له، ترمي بياضها ، وتسدد الدين اللي في رقبتها ومنقوش على ايديها بالدم ، وفي كل الحالات يا قوة الله ويا قوة الشعب والشعب بعون الله قدها وقدود .... ومدد".
شاهد الفيديو :
;feature=youtu.be