تشويه جدران "قلعة قايتباي" يشعل غضب السوشيال ميديا

حالة من الجدل انتشرت عبر مواقع التواصل الاجتماعي، بعد انتشار مجموعة من الصور داخل قلعة قايتباي فى الإسكندرية، توثق حالة جدران القلعة من الداخل، ومدى التشوهات التي تتعرض لها من تدوينات وكتابات من الزوار، والأمر الذي تسبب في غضب واستياء رواد السوشيال ميديا، خصوصًا أن القلعة مبنية منذ زمن كبير، وتساؤلات عن دور وزارة الآثار في حمايتها.
رواد السوشيال ميديا يفتحون النيران على زوار قلعة قايتباي:
تداول رواد مواقع التواصل الاجتماعي الصور على مدى واسع، وعلقوا على الأمر بطريقة غاضبة وكارهة للموضوع مهاجمين زوار قلعة قايتباي المصريين بقسوة، وقال أحد الرواد: "عيب والله دي بلدكم ولازم تحافظوا على الآثار إلى فيها عمركوا شوفتوا بلد أجنبية بيحصل فيها كده".
صاحب صور قلعة قايتباي: المصريون كتبوا كتابات مشوهة على الجدران:
نشر حساب على موقع فيسبوك يدعى "محمد عبدالناصر" صور القلعة وجدرانها وعلق قائلًا: "تخيلوا قلعة قايتباي، اللى اتبنت عام 882 هجريًّا يعنى سنة 1477 ميلاديًّا، على يد السلطان الأشرف أبوالنصر قايتباى، وكانت بمثابة درع الصد لتهديدات الغزاة، اللى صنفتها
اليونيسكو كمركز عالمى للتراث الغارق، تتحول بأقلام بعض المصريين لكتابات مشوهة على جدران القلعة.
وتابع: "هناك شفت تعليقات الأفواج الأجنبية على المكتوب، وإزاى بنتعامل مع إرثنا الثقافى، وبنشوهه بالطريقة دى، وإزاى مش مقدرين الكنوز دى، حاجة غير مشرفة أبدًا، وكتير من موظفين القلعة بيقولوا إن الكتابات دى بتتمسح دايمًا، لكن بعد كل زيارة بنلاقى القلعة بالشكل اللى موجود فى الصور".
وأنهى حديثة قائلًا: "الدولة مهتمة جدًّا بالسياحة لأنها مصدر دخل ممكن يغير شكل البلد، ويدر عملة صعبة، وفى تطوير كبير فى قطاعات السياحة، لكن محدش هيقدر يوقف الجهل إلا إحنا، ونكون مدركين أن التصرفات دى بتهدم أى حاجة وبترجعنا مليون سنة ورا".