أمل رزق تروي كواليس فسخ خطبة ابنتها من محمد الشرنوبي (صور)

حلت الفنانة أمل رزق مساء أمس الخميس ضيفة مع الإعلامية ياسمين عز في برنامج كلام الناس المذاع على فضائية ام بي سي مصر، وكشفت الفنانة كواليس فسخ خطبة ابنتها لمى كتكت من الفنان محمد الشرنوبي قبل أكثر من 6 سنوات.
(اقرأ أيضًا.. أمل رزق تسترد بصرها بدعوة أخرجتها من الظلام .. أسرار 6 شهور عذاب |فيديو
وقالت رزق: "دعيت في الكعبة لو خير يقربه ولو فيه شر يبعده، وبتمنى لها إن ربنا يسعدها ويوفقها، أصل لمى دي بنتي الكبيرة، وهي طيبة خالص وبيور".
وأضافت: "وأنا في الطيارة قالت لي موني هقولك خبرين، واحد حلو وواحد وحش، أول خبر كان جايلها شغل مع حد هي عايزاه، قالتلي كذا وأنا وشرنوبي انفصلنا، قولت لها حبيبتي اللي في الخير يقدمه ربنا، وقدر الله وما شاء فعل، واللي انت عايزاه أنا في ضهرك، وهي قفلت الموضوع تماما وأنا قفلت الموضوع تماما خالص".
أمل رزق وإسماعيل كتكت
وكشفت رزق كواليس زواجها من المنتج كتكت بالرغم من فارق لسن بينهما قائلة: "كان متقدملي عريس مسافر أمريكا،
ووافقت على الزواج من إسماعيل كتكت، بلا نقاش لأني كنت بحبه جداً مع إنه كان فرق السن بينا كبير".
وأضافت: "لما اتجوزت المنتج إسماعيل كتكت، كنت بسمع الناس في الأوضة اللي جنبي في البلاتوه، بيقولوا عيلة صغيرة وضحكت عليه وبكرا هيعملها بطولات وجايب لها معالق ألماظ في البيت، وده مكنش له أي أساس من الصحة وما خلتهوش يعملي بطولات ومكنتش هقبل، وهو مكنش عايز ينتج ليا من الأساس".
وتابعت: "إسماعيل كتكت، مكنش عايز ينتج ليا وقالي لأ يا بابا إحنا نمشي خطوة بخطوة وكل حاجة بأوانها، ولكن بعد فترة كنت بلمّح له، إنه ينتج ليا وسألني إيه اللي اتغير فيا لأن كبريائي كان بيمنعني أسأله".