فارق الحياة بسبب رفض مديره إعطائه سلفه للعلاج.. القصة الكاملة لوفاة أبو مالك

آثار خبر وفاة محمد العبسي وشهرته ابو مالك الحزن والأسى على أهل قريته ومواقع التواصل الاجتماعي الذي توفى قهرًا بسبب رد فعل مديره عندما طلب منه سُلفه لعلاج قدمه المصابة بسبب مجهود العمل إلا أن مديره رفض وأصر على استمراره في العمل قائلًا له "لاتمارضوا فتمرضوا".
اقرأ أيضًا.. الاستعلام عن الحالة الصحية لضحايا انقلاب ميكروباص بالعياط
وقبل رحيله ب 3 أيام كتب على صفحته على موقع التواصل الاجتماعي "فيس بوك" أنا بموت من الألم بتعذب حرفيا الدكتور بيقولي يا اما ده مزق شديد يا اما عرق النسا والاشعة اللي هتبين ماشي على المسكنات ومع كده الألم بيروح وبيرجع تاني مجرد ما المسكن يروح المشكلة في الشغل الكل بيحط عليا والنهاردة قومت متعجز خالص دعواتكم والنبي الألم من ضهري الشمال ونازل لغاية ركبتي الشمال انا بموت والله ألم فظيع.
وآثار منشور أخر نشره على صفحته بعد ساعات من المنشور الأول غضب الكثيرين من المدير الذي رفض إعطائه "سُلفه" وطلب منه الاستمرار في العمل وعدم أخذ إجازة وكتب " صاحب الشغل بقوله عايز فلوس من شغلي عشان اجيب علاج واعمل اشاعة يقولي لا تمارضوا فتمرضوا اشتغل وتعالى على نفسك وانت هتخف وانا دايس على نفسي بقالي اسبوع لغاية مارجلي التانيه هي كمان تعبت من كتر التحميل عليها.. حسبي الله ونعم الوكيل يشوف اللى انا شايفة يارب.
وبالأمس نشرت زوجته خبر وفاته على صفحته على موقع التواصل الاجتماعي "فيس بوك" وكتبت " السلام عليكم ورحمة الله وبركاته انا لله وانا اليه راجعون زوجى فى ذمة الله الصلاه عليه انشاء الله عند مسجد أبو النصر الساعه 10 ونصف تقريبا استنوه وادعوله وصلو عليه واقراو ليه قرآن نسالكم الدعاء".
وكان قد نشر ابو مالك على صفحته يوم 9 اكتوبر وصيته وكأنه يعلم بأنه قد اقترب أجله وكتب " وصيه واقرار مني لما اموت متقفلوش اي حاجه ليا عشان افضل موجود بينكو وحتي لو نستوني الفيس بوك بيفكركو بيا يوم عيد ميلادي، ادعولي بس ومتدفنونيش بليل ابدًا مهما حصل، وخليكم شوية لحد ما اتعود ع
المكان اقرأوا سورة يوسف ويس ع قبري علشان مخافش ، وشغلولي قران كتير ومتعيطوش عارف هيبقى غصب عنكم بس حاولوا.. حد يقولي الشهادة ويدعيلي بالثبات عند السؤال، اللي يفتكرلي مرة اني وقفت جنبه يهاديني بالصدقة،بس الوقت هيمر وهتنسى بس وقت ما اجي ع بال حد يقرالي الفاتحة ويدعيلي ربنا يجعلني من اهل الجنة ويغفرلي، قررت انزل كده لان فعلا العمر مش مضمون محدش يزعل ويقولي بعد الشر وليه بتقولي كده احنا في غفلة يا جماعة والله.. اللهم ارزقنا حسن الخاتمة"
وأوضح أحد اصدقائه على صفحته على "الفيسبوك" سبب مخالفة الوصية ودفنه مساءًا بالرغم من توصيته بعدم دفنه ليلًا حيث كتب" الناس اللى كلمتني على ان بلاش ندفن محمد باليل عشان دى وصيته، محمد كان متوفي بقاله وقت طويل ومكنش ينفع يفضل اكتر من كده ويتبهدل من الشيل والحط والطلوع والنزول دى امانه وكانت لازم توصل لصاحبها واكرام الميت دفنه وكان موجود معانا شيوخ في الجنازة وقالة ان الموضوع مفيهوش حاجة واحنا بفضل الله نفذنا بقيت الوصية وفضلنا معاه بعد ما اتدفن ودعيناله وقرئنا الايات اللى كان نفسه تتقرأ عليه وياريت الناس كلها كل ما تفتكره تدعيله بالرحمة والمغفرة ليه ولموتى المسلمين وشكرا الله سعيكم جميعا ، وربنا يقدرنا ان شاء الله ونعمل حاجة كويسة تكون صدقة على روحه".
لقراءة المزيد من الأخبار تابع alwafd.news