السيسي لمستثمري ابدأ: "مستعد أشارك معاكم بالنص علشان أشجعك" (شاهد)

أبدى الرئيس عبدالفتاح السيسي استعداد الدولة للدخول كشريك مع بعض المستثمرين في مبادرة ابدأ بهدف تشجيع رجال الصناعة.
اقرأ ايضا .. السيسي: نقدم التحية للقطاع الخاص على مبادرة زيادة الأجور
وقال السيسي : "يا اللي هتشتغلوا في ابدأ مستعد أخش معاكم بالنص، مش علشان عاوز أخش معاك، لكن علشان أشجعك إن فيه جزء من المخاطرة الدولة معاك فيها، والهدف أيضا تشجيع رجال الصناعة في مصر، وكل من يحتاج يتحرك معانا إحنا معاك".
وأشار إلى أن هناك الكثير من الأنشطة تحتاج إلى دراسات، معلقا بالقول: "فيه أنشطة بتتعمل محتاجة دراسات لكن فيه حاجات واضحة جدا زى الخامات الدوائية والمعدات اللى بنستوردها، حياة كريمة هيتصرف عليها تريليون جنيه، وتحتاج طلمبات وهتحتاج صيانة وما حدش هايبقا قلقان إن المنتج بتاعه هيتعرض لحاجة، وتساءل: لو فيه مشكلة لحد مش هنقف جنبك ولا إيه؟.
وتابع السيسي:"ال 100 مليار دولار بتاع التصدير بعد كام سنة هايبقا الحلم بعيد قوى.. بقالي 7 سنين في الشغلانة دي، وعارف إن المواضيع دي بتأخر
وبتضيع علينا فرصة.
ووافق الرئيس على السماح بإعطاء الرخصة الذهبية لكل المتقدمين من المستثمرين لمدة 3 شهور.
وشدد السيسي على وقوف الحكومة بجانب المستثمرين، وبذلك سنسمح بإعطاء الرخصة لمدة 3 أشهور، مضيفًا: "هنشوف خلال الفترة دي إذا كان القرار دا مظبوط أو نرجع للوضع اللى احنا عليه الآن".
وحضر الرئيس عبد الفتاح السيسي، صباح اليوم، إطلاق الملتقى والمعرض الدولي الأول للصناعة، الذي ينظمه اتحاد الصناعات المصرية في مركز المنارة للمؤتمرات، وذلك بمناسبة مرور 100 عام على تأسيس الاتحاد.
ومن المقرر أن يشمل المعرض، الذي يقام تحت رعاية الرئيس، عددا من الأجنحة الضخمة للصناعات المتنوعة، وعلى رأسها قطاع الصناعات الهندسية وصناعة الآلات والمعدات والماكينات.