بسمة تؤيد عمليات التجميل.. "المهم نكون راضين عن نفسنا"

كشفت الفنانة بسمة عن رأيها في عمليات التجميل الخاصة بالسيدات، وقالت:"حاولت أعمل شئ تجميلي في بمنطقة الفم ولكني تراجعت عن قراري".
اقرأ ايضاً .. بال " ترتر ".. بسمة تخطف الأنظار في أحدث ظهور عبر إنستجرام ( صور )
وقالت بسمة خلال أحد البرامج التلفزيونية الشهيرة:" فيه حاجات في شكلي عمري ماكنت راضية عنها زي سناني لانها حادة ومعوجة وممكن تعور وأنا باكل، وحاولت أعمل شيء تجميلي فيها لكن لم اكمل في نصف الطريق وقلت ليه أغيرها دلوقتي ماأكيد وانا كبيرة ممكن تقع هركب طقم سنان ".
وأضافت بسمة قائلة:" ناس كتير تعرفنظ من صوتي، بسبب إن شكلنا بالمكياج مختلف عن بدونه وكتير بدخل أماكن عامة الناس بتشبه عليا ".
وحول تغير اللوك في مسلسل "طير بينا ياقلبي"، قالت:" شكلنا بيتغير أكيد من عشر سنوات فاتت، ولما بنقف أمام المراية بلاقي الشكل متغير أما سيكولوجيا أو مادياً أو ملموسًا، سواء أوجاعنا بتظهر على وشنا أو تجاربنا وده طبيعي ".
وكشفت بسمة سر رشاقتها رغم حبها لتناول الطعام، قائلة:" من ضمن التغيرات في الشكل وزني زاد 10 كيلو جرام خلال عشر سنوات وده غير في شكلي برضه لكن بحاول احافظ على حد معين، ولايمكن تجاوزه لما بقف على الميزان وبضطر اقفل أربعة أشهر مثلاً عشان أخسر مازاد من وزني خاصة أن جزء من شغلي وعملي هو الشكل ولازم أحافظ عليه، خاصة أن طبيعة شغلنا بنخلص تصويرنا في وقت متأخر ويمكن يلخبط مواعيد الطعام وممكن يلخبط الوزن ".
وحول ممارستها للرياضة، قالت : " مش بعرف أمارس الرياضة غير المشي والعجل مش بعرف أعمل زي الفنانات الي بيصوروا نفسهم في الجيم وبيمارسوا الرياضة وبقلهم ربنا معاكم ".
ورداً على سؤال: هل تخافي
من التقدم في العمر ؟، قالت: "مش بخاف من السن كتقدم في العمر وماهو يصاحبه من علامات لاني بعتبرها فصل جديد في الحياة، لكن أخاف من السن أني أكون معتمدة على حد غيري مهما كان هو مين والافكار المرتبطة بالمرض لكن لايقلقني وجود خط حول الشفاه أو خطوط حول العين مع تقدم السن صحيح ممكن نحاربه وده طبيعي لكن برضه كل خط من هذه الخطوط تعكس تكشيرة أو إبتسامة ليها ذكرى معايا في يوم من الايام لكن في النهاية لست ضد عمليات التجميل المهم أن يكون الشخص راضي عن نفسه."
وإنتقدت تعامل السوشيال ميديا مع تقدم السن بين الرجال والنساء، قائلة : " في ناس لما بتشوف الرجالة شعرهم أبيض بيقولوا وقار ولكن الست شعرها أبيض يبقى خلاص عجزت وإنتهت ".
ولفتت إلى أنها تتلقى تعليقات مزعجة على التواصل الاجتماعي، قائلة:" كتير شفت ده ولكن أكثر مايضايقني التعليقات المتعلقة بحياتي الشخصية وبرفضها وبعضها بيتحدث عن شكلي وافكاري ولبسي لكن بحب الرد عليهم بالصمت لأن الناس دي عايزة تستفزك عشان تتحول لخناقة ثم تريند وده مابحبوش ".