حاوي الزمالك ل "الوفد": نادي المقاصة يريد تحطيم مستقبلي الكروي.. وهبوطهم بسبب دعائي عليهم

علق لاعب الزمالك ومصر المقاصة السابق يحيى الحاوي على الأزمة المثارة بينه وبين إدارة مصر المقاصة، بخصوص توقيعه على عقود انضمامه للنادي الفيومي.
اقرأ أيضًا..
حاوي الزمالك: عدم فهم لجنة "لبيب" لكرة القدم سبب رحيلي
تصريحات الحاوي
قال يحيى الحاوي في تصريحات خاصة لجريدة "الوفد": كنت في الزمالك من 11 سنة، ومشيت لما سن الناشئين اتلغى، ولجنة الكابتن حسين لبيب التي فى نادى الزمالك أختارت 5 لاعبين من الجيل بتاعي، فروحت نزلت ماتش ودى مع نادى المقاصه تحت قيادة الكابتن محمد عبد الجليل، واقتنع بيا جدا وقال اللاعب دا يمضى حالًا".
وتابع:" اتفقو معايا على عقد مدته 5 سنين بقيمة 4 مليون جنيه، مقسمة كالتالي: السنه الاولى 600 التانيه 700 التالته 800 الرابعه 900 الخامسه مليون، بصراحة كنت مدى الامان بعد الاتفاق ومضيت واتملى العقد واخدت شيك ب 150 الف مقدم تعاقد والفرقة كانت بتلعب فى اَخر كام ماتش فى الدورى الى قبل دا خلاص بقيت مع الفرقه ودخلت جروب الفرقه وطلبو منى استنى فى البيت لما الكام ماتش دول يخلصو وابدء معاهم السنه الجديده".
وأضاف:" اخدت الشيك وروحت على البيت الشيك كان معاد صرفه بتاريخ بعد استلامه بكام شهر فعلا، فبدأت السنه وفترة الاعداد وكانو وقتها الكابتن محمد عبد الجليل رحل، وجه الكابتن تامر مصطفى، فكلمونى اروح التمرين وقبل ما القيد يقفل بيوم خلصت تمرين نده عليا الكابتن محمد معوض إدارى الفريق والكابتن خالد شيتا لقيتهم جايبنلى عقد تاني مليان مدته 3 سنين بقيمة 750 الف فى ال3 سنين فانا سالته اي دا قالى دا عشان بنتهرب من الضرايب".
وتابع:" لكن هنتعامل معاك بقيمة عقدك القديم اللي ب 4 مليون سكت، فقالي والله العظيم زي مابقولك فانا من طبعي ذي ما كان بيحصل معايا في نادي الزمالك مدى الامان وحلفان الله عندى مقدس مضيت".
وأسترسل:" بعد فتره لقيتهم بيعاملوني على العقد الجديد، فروحت أصرف الشيك مالقتش فيه رصيد قالو هنتعامل معاك بالعقد الجديد وهنديلك فلوس فى ايدك قبضت من قيمة عقدى كله 30 الف لحد الان كان محجوز للفرقه فندق فى الفيوم مكنش اسمى فيه طلبو منى اتمرن فى الناشئين والعب معاهم ماعترضتش بلغوني انه مافيش سكن هتروح وتيجى كل يوم من القاهره ماعترضتش ولا عملت مشكله
مع حد لحد الان".
وأضاف:" انتظمت فى تمرين الناشئين رغم انى مقيد فى الفريق الأول ولعبت لحد شهر واحد مع الناشئين من بعد شهر واحد المدرب بدء مايلاعبنيش خالص فضلت منتظم فى التمرين لحد شهر رمضان لحد 8 ابريل شهر 4 وانا بروح وانا صايم التمرين بيخلص قبل المغرب على ما ارجع القاهره 9 بالليل افطر فى البيت".
وأكمل:" قولت في يوم اروح اتحاد الكره اجيب نسخه من عقدى اتفجأت فى اتحاد الكره بيقولى انت النادى مشاك يوم 31/1، ودا كان اخر يوم فى القيد اتصدمت قعدت دقيقه استوعب واقوله ازاي انا بتمرن كل يوم هناك قالى دى الحقيقه ف حسبنت عليهم وانا صايم وبكيت من الموقف عشان يشهد الله ماعملتش مشكله مع اي حد هناك ومافيش على لسانى غير حاضر".
وأكمل:" ماتخيلتش حد ممكن يأذي حد من غير سبب ويهون عليه شخص يسافر المسافه دى كلها وهو صايم ويرجع بالليل يفطر ويكونوا ممشينه ومش مبلغينه ومضيعين عليه فرصة القيد فى اي نادى تاني نزلو درجه تانيه من دعايا انا واهلى فى كل صلاة".
وأضاف:" ربنا مسخرلى مستشارين كبار اشتكيتهم لربنا الاول وبعدين اتحاد الكره واشتكيت بالشيك اخدت حكم على المدير المالى عندهم الكابتن خالد شيتا سنه سجن ورافع عليهم قضيت تعويض بقيمت 20 مليون ومطالب بحقى كله فى اتحاد الكره".
وأختتم:"مشكلتى دلوقتى اني ماتعملتش معا وكلاء لاعبين خالص والى حصل معايا دا مأثر عليا فى انى الاقى نادى بنفسى".
لمزيد من أخبار الرياضة.. اضغط هنا