إهانة الفنان سعيد صالح تصل النائب العام (شاهد)

تسبب الفنان فكري صادق، بحدوث ضجة كبيرة في الوسط الفني بعد حديثه عن إدمان الفنان الراحل سعيد صالح للكوكايين، واتامه بحب المخدرات أكثر من ابنته وإهانته لسمعة الفن المصري.
اقرأ أيضًا.. إيمي طلعت زكريا تكشف حقيقة وجود خلافات مع هنا الزاهد
سعيد صالح بيحب المخدرات أكثر ما بيحب بنته
وقال "صادق" في تسجيل صوتي له: "سعيد صالح بيحب المخدرات أكثر ما بيحب بنته .. وده اتقال من أعظم ممثلين مصر اللى عاشروا سعيد صالح .. و لا يملك من الإنسانية أي قدر ضئيل".
ولم تمر تصريحات الممثل المصري فكري صادق مرور الكرام، حيث قامت نقابة المهن التمثيلية بإحالته للتحقيق، فيما أكدت أرملة الفنان الراحل سعيد صالح تقديمها بلاغًا للنائب العام يتهم فكري صادق بالسب والقذف لزوجها.
وقالت أرملة الفنان سعيد صالح، في تسجيل صوتي: "أنا كلمت المحامي وفعلًا أخدت إجراء قانوني وخلال اليومين دول هتلاقوا نازل على صفحتي والرقم بتاع الإجراء اللي أنا أخدته المفروض بكره الصبح البلاغ هيتقدم للنائب العام إنه بيغلط في نجم زي سعيد صالح وبيقول كلام محصلش وسب وقذف".
وكان الفنان مراد فكري صادق، وجه رسالة إلى هند سعيد صالح بعد تصريحات والده الفنان فكري صادق عن الفنان سعيد صالح، والتي أثارت جدًلا كبيرًا، حيث وصفه بأنه موهبة عادية، خلال استضافته في برنامج "كلمة أخيرة" على فضائية أون والذي تقدمه الإعلامية لميس الحديدي.
ودافع مراد فكري قائلًا: أختى الغالية و الفنانة بنت الأصول هند سعيد صالح، طبعًا أنتى تعلمى جيدآ عشقى واحترامى و تقديرى للنجم الكبير سعيد صالح و تاريخه منذ صغرى حنى تخرجنا أنا و أنتى من سنين زملاء وإخوات من المعهد العالى للسينما، إحنا أكبر من إننا نتكلم على صفحات الفيس بوك يا بنت عمى و عمنا كلنا، ووالدى بنفسه قال فى كذا لقاء قبل كدة أن علاقته بالفنان سعيد صالح و عادل إمام كانت علاقة صداقة بعيد عن الفن و اشتغلوا سوا كتير و كل واحد مننا ممكن يقول كلمة عفوية دون قصد غلط و خصوصآ لما تتطلع الكلمة من جيل والدك و والدى لأن ده جيل عظيم و فاهم و واعى و خصوصآ إنهم جيل واحد كمان والجيل ده معروف بالحب أصلً لحد دلوقتى كمان.
وتابع فكري، وإن كانت كلمة طلعت غلط أو سوء تفاهم حصل بشكل مفاجئ، مش معناه إنه غلط لا سمح الله فى الاستاذ سعيد، أو بيقول من شأنه رحمة الله عليه، و راعوا يا جماعة كبر السن و العفوية فى الكلام للناس الكبار، الناس دى فنانين كبار وأكبر من إننا نلوم عليهم أو نحاسبه بالكلمة، لأن سعيد صالح، دة نجم كبير و فكرى صادق فنان كبير برضو، و شكرآ المهتمين و عارفين أن ده مش طبع والدى و إن عمره فى الوسط الفنى ما حد زعل منه، الحمد لله إحنا ناس فى حالنا مش بتوع مشاكل ولا تريند علشان الناس تعرف مين فكرى صادق أو نقيس بالتريند شعبية نجم كبير زى الاستاذ سعيد صالح ؟؟؟.
وأضاف مراد فكري، ربنا يرحم الجميع كل من عليها فان يا جماعة، و كلمة فنان عادى كلمة لا تقليل
شأن ولا سب و قذف لأى حد، وأنا بيربطنى صداقة و زمالة مع أختى المونتيرة المبدعة( هند سعيد صالح)، من خلال المعهد العالى للسينما و أنا من عشاق النجم سعيد صالح، و اشتغلت معاه مسلسل و كان إنسان جميل و دمه زى العسسسل و قعدنا اتكلمنا كتير عن ذكرياته هو و أبويا سوا كتير، ورغم ظروفه المرضية الإ إنه كان قيمة كبيرة جدًا فى المكان و الناس الكبيرة بيبقى معاهم عذرهم أحيانًا، طالما لا يوجد إهانة أو سب لا سمح الله، يبقا الموضوع سوء تفاهم و لازم توضيحه بشكل صحيح للناس فى أقرب وقت، و لكل عشاق النجم سعيد صالح، وأنا اولهم طبعًا.
واختم مراد، بس احترامًا منكم و رجاء و ليس أمر من حضراتكم، بلاش نكبر المواضيع و نشمت فى بعض بالسرعة دى، و نعلق لبعض المشانق علشان ممكن الحكاية تتفخم و يبقا موقف و يزعل ناس و إخوات و أصدقاء من بعض، عشرتهم و صداقتهم قد عمر جيل كامل زى جيلنا الحالى، و ستستمر العلاقة الطيبة بين الأبناء لأخر العمر بإذن الله، و لن تتغير أو تفسد بسبب كلمة أو وجهة نظر اتقالت على الهوا بشكل عفوي، دون مونتاج أو تجميل للكلام من فنان له تاريخه و أعماله و عمره يتجاوز السبعين الحمد لله و هو والدى الفنان فكرى صادق، والله يا جماعة اللى حصل ده بيحصل فى معظم البرامج المسجلة و بيحصل أكتر من كده كمان و كلنا عارفين و فاهمين، و بيتم تظبيط الكلام كله فى المونتاج قبل عرض حلقة الضيف و أختى هند سعيد صالح، تعلم هذا من خلال عملها مونتيرة لها بصمتها فى فن المونتاج لأكثر من برنامج لكن برنامج الاستاذة لميس الحديدى، .. برنامج على الهواء مباشرة لو كانت حلقة متسلة، ماكانش حصل كل دة، الحمد لله و كامل اعتذارى بشكل أخوى لأختى الغالية هند سعيد صالح و للنجم الراحل سعيد صالح، و أتمنى يكون كلامى وضح حاجات كتيرة للناس شكرآ.
ابن فكري صادق يعتذر لابنة سعيد صالح