عمرو زكي: أبويا خلاني أمضي على ورقة طلاقي من مراتي بدون علمي

قال عمرو زكي لاعب نادي الزمالك ومنتخب مصر السابق:"اتجوزت مرتين وأنا عندي 18 سنة، وزوجتي الأولي أبويا خلاني أمضى على ورقة طلاقي منها من غير ما أعرف وقتها كنت مع المنتخب الأولمبي في الإسكندرية".
أقرأ أيضًا: (شاهد) عمرو زكي يكشف تفاصيل علاقته بفنانة.. وسر عدم زواجه منها
وتابع خلال لقائه ببرنامج"سابع سما" الذي تقدمه الإعلامية راغدة شلهوب على فضائية "النهار": "مكنتش اعرف إن أبويا خلاني أمضى علي ورقة طلاقي من مراتي، ومكنش فيه حاجة حصلت علشان اطلقها ولكنه هو دماغه كانت كده واطلقت طلاق غيابي".
ولفت: "بعد طلاقى لمراتي الأولى بدون علمي، أهلى جوزوني من بنت جارة أمي وكان اعتراضهم إنها بتلبس بنطلون وبتحط ميكاج واعتبروها مش كويسة بس انا كنت شايفها كويسة وزي الفل واستقرينا اننا نقعد في القاهرة علشان
انا كنت وقتها بلعب مع انبي ولكنها كانت عايزة تستقر جنب والدتها في المنصورة ومحصلش ما بينا توافق وطلقتها".
وأشار: "الفلوس اللى كنت باخدها مكافاَت مع انبي ومنتخب مصر للشباب كنت بخرجها علي فلوس الطلاق، ومنهم 45 الف جنيه اخدتهم من انبي".
وقال عمرو زكي نجم منتخب مصر ونادي الزمالك السابق، في حديث سابق:"ممكن أعيش مع ست بدون زواج، ومعنديش مشكلة، وأنا مرتبط دلوقتي".
وتابع خلال الجزء الثاني من لقائه ببرنامج "العرافة" المعروض على فضائية "المحور":"لا يمكن أن أعمل في النادي الأهلي".
وأضاف:"لا يمكن أصالح مراتي الأولى واتجوزها من أول وجديد، لأنها رفعت عليا قضية وطلعت هاجمتني، أما مراتي التانية ممكن أرجعلها وانا
بعتبرها بنتى التالتة".
ولفت: "ممكن أعيد تجربة التمثيل، وانا بطبيعتي انسان مسالم بس الا الكرامة بالنسبة أو ان حد يتكلم في أعراض معايا، وممكن أموت واحد لو جاء علي كرامتي خاصة في مسألة الأعراض".
وأكد: "أقف في صف الكابتن محمود الخطيب رئيس النادي الأهلي ضد الكابتن مصطفى يونس، وكلنا بنحب الخطيب وحسن شحاتة".
وقال عمرو زكي نجم منتخب مصر ونادي الزمالك السابق: "عندي شركة بترول واتنصب عليا في 42 مليون جنيه ".
وتابع:"الفلوس اللى اتنصب عليا فيها وحياة رحمة أبويا لأرجعها".
وأشار: "أمتلك منذ عام 2008 مطعما وكافيه وحالتي المادية جيدة وأعيش في فيلا ولا صحة لما يتردد حول أني أعيش في عمارة ".
وعن حقيقة تسببه في ضياع لاعب الزمالك السابق مجدي عطوة، علق عمرو زكي:"هو من الشخصيات الجميلة جدا ومبيشربش سيجارة وكان بيشرب شيشة وانا بشرب شيشة بس، وأنا لما كنت في أوروبا كنت بشرب خمرة مع رئيس النادي واللاعيبة، إنما مجدي عطوة مبيشربش خمرة".
للمزيد من الأخبار طالع alwafd news