فيديو.. السيسي: الناس بتغشش ولادها وبعدين تقولي ابني معاه شهادة وشغله

قال الرئيس عبدالفتاح السيسي، إن المشروع القومي لتنمية الأسرة المصرية، هدفه تغيير أسباب التردي التي شهدتها الدولة خلال العقود الماضية.
اقرأ أيضًا.. مزايا المشروع القومي لتنمية الأسرة المصرية المقرر انطلاقه اليوم
وأضاف السيسي، خلال إطلاق المشروع القومي لتنمية الأسرة المصرية: "تحدثت مع مسئول بلجيكي ميزانية بلاده 500 مليار دولار، وعنده 10 ملايين نسمة، فقلت له أنا بقى 400 مليار دولار وعاوز أعمل جامعة تدي تعليم كويس، ومستشفى تدي علاج كويس، وعايز أعمل مدرسة تعمل تعليم كويس، مش الناس تتخانق علشان تغشش ولادها وتيجي تقولي ابني معاه شهادة وشغلهولي بقى".
وتابع: "اللي أنتوا فيه ده كله من عام 1950 سبب تردي الدولة دي، أنا عايش معاكم الحكاية ولما جيت أترشح في 2014 قلت الكلام ده على عدد السكان ساعتها ودلوقتي زدنا 14 مليون نسمة، ومجاتش ليا دخل
زيادة يكفي هذا النمو، وده مش عجز من الدولة".
وكشف سبب خروج المواطنين في عام 2011 ضد النظام، قائلًا: "الناس خرجت في 2011 لأن حالة الرضا المجتمعي مكانتش موجودة"، مضيفًا: "الناس مكانتش مبسوطة، ولكن هي مكانتش عارفة هي مش مبسوطة ليه، ومفيش حاجة مكفية ومفيش تعليم كويس، وبدل ما نقول إحنا كمواطنين أدائنا متواضع عملنا الدولة خصم".
وتابع: "أنا مش باخدكم بعيد عن الهدف اللي أنتوا بتقولوه أنا دايمًا بسجل حاجة واحدة وهي الحفاظ على الدولة المصرية وعدم انزلاقها مرة تانية للخراب والدمار اللي كان ممكن توصله في 2011، نتيجة أسباب حقيقية الناس تعبانة وعايزة تتغير".
وأوضح، أنه عندما كان في بلجيكا أول ملف تحدث فيه
كان ملف حقوق الإنسان، موضحًا: "إحنا معندناش حاجة بنخبيها، إحنا عندنا قضية غير معلومة إلا لينا إحنا، وهي التحديات التي تواجه منظومات الصحة والتعليم".
واستكمل: "من ضمن الحاجات اللي بتكلم فيها مع مسئول في بلجيكا قلت له الناتج المحلي بتاعك كام قالي 500 مليار دولار، وسألته عدد سكانك كام، قالي 10 ملايين نسمة، قلت له يبقى أنا عاوز 5 تريليونات دولار لأني عندي 100 مليون نسمة".
وتابع: "علشان مش معانا الفلوس دي الناس في مصر مظلومة ومبتاكلش كويس ومش بتتعالج ولا تتعلم كويس"، مضيفًا: "دي حقوق الإنسان اللي أنا أعرفها ولازم أوفر له ده".
وأشار إلى أنه لا يريد أن يمنع الناس من أن تقول رأيها وتتحدث، ولكن قبل أن يتحدث يجب أن يعلم القضية جيدًا، قبل أن يجعل الناس حزينة.
السيسي يطلق المشروع القومي لتنمية الأسرة المصرية:
حضر الرئيس عبدالفتاح السيسي، صباح اليوم، فعالية المشروع القومي لتنمية الأسرة المصرية بمركز المؤتمرات الدولية "الماسة" بالعاصمة الإدارية الجديدة.
وصل، قبل قليل، الرئيس عبدالفتاح السيسي، إلى مقر إطلاق المشروع القومى لتنمية الأسرة المصرية.