الظهور الأول لعمرو دياب ورامي صبري بعد خناقة أغنية شكرًا

شارك الفنان رامي صبري عبر صفحته الرسمية على موقع التدوينات المصغرة تويتر مقطع فيديو يجمعه بعدد من أصدقائه ولعل أبرزهم الفنان عمرو دياب والملحن عزيز الشافعي وتامر حسين ، وهو ما أثار الجدل على مواقع السوشيال الميديا بعد ظهورهم لاول مرة معًا بعد الخلاف الشهير بسبب أغنية شكرًا .
(اقرأ أيضًا) رسمياً.. طرح عطر عمرو دياب في الأسواق التجارية
وعلق رامي صبري على الفيديو قائلًأ :" أغنية #انت الحظ الجديدة للهضبة أغنية خطيرة لأصدقائي عزيز وتامر وأخويا الكبير عمرو دياب أغنية جميلة ألف مبروك "، وأشار لكل من عمرو دياب وعزيز الشافعي وتامر حسين.
ولعل ما أثار الجدل هو ظهورهما معًا وللمرة الأولى بعد خلاف أغنية شكرًا والذي تسبب في أزمة كبيرة حينها لتصل بهما إلى نقابة المهن الموسيقية ، ولكن بهذا الفيديو أثبتوا ان كل شيئ عاد كالسابق .
أزمة رامي صبري مع عمرو دياب وعزيز الشافعي وتامر حسين
بدأت الأزمة بخروج الفنان رامي صبري غاضبًا من الملحن عزيز الشافعي؛ بسبب أخذ أغنيتين منه وإعطائها للنجم عمرو دياب، من بينهم: "شكرًا كده للي سبنا"، و"زي مانتي"، معلنًا عن عدم تعامله معه مرة أخرى نهائيًا.
ونشر رامي صبري عبر صفحته الشخصية بموقع التواصل الاجتماعي "فيس بوك" منشورًا كتب فيه: "لتاني مرة الملحن عزيز الشافعي يأخد أغنية مني واحنا شغالين فيها ويديها لفنان تاني وهوالفنان عمرو دياب بنفس الشكل التوزيعي والموزع، أغنية شكرًا كده للي سبنا وأغنية زي مانتي لذلك قررت عدم التعامل معه مرة أخرى".
ليرد بعدها عزيز الشافعي عبر صفحته بموقع التواصل الاجتماعي "فيسبوك"، قائلًا: " مش هرد
بالتفاصيل على كلام الزميل المحترم، عشان لما الواحد يبقى ليه فضل بعد ربنا ف نجاح فنان وبيزود رصيده مع الناس، بيعز عليه بعد كدة يقلل منه حتى لو تجاوز".
وأضاف: "رغم إن كلامه كله مالوش أي أساس من الصحة، أحب دايمًا أشوفه ناجح وبيكمل اللي عملناه.. وبشكره على استجابته لطلبي وقراري الشخصي اللي بعتهوله الصبح من خلال صديقنا المشترك محمد حامد بأننا منشتغلش تاني ونكتفي بنجاحاتنا".
وتابع "الشافعي" في منشوره: "بعتذر للسادة الصحفيين اللي بيتصلوا بيا مش عايز أدي الموضوع أكبر من حجمه وبكتفي بالبوست ده وبالكلام المحترم اللي كتبه زميلي وشريكي الشاعر تامر حسين على صفحته عن أغنية "شكرًا"، أما بخصوص زي مانتي، فممكن ترجعوا للصديق المشترك محمد حامد و تسألوه"، ناهيًا كلامه: "شكرًا لحد كده".
ليرد بعدها الشاعر الغنائي تامر حسين على رامي صبري، وكتب: "ردًا على شكرًا والمُهاترات اللي بسمعها.. ولا ليه بنجيب وبنقحم دايمًا اسم عمرو دياب فى جُملة مفيدة ؟ ايه الغرض؟.. ثانيًا: توقيت البوست لما الأغنية انتشرت وكسرت الدنيا بالتفاعل وإقبال الناس عليها والإشادة بيها يعني ليه الكلام ده".
وأضاف: "ليه مكنش فى أول يوم مثلاً؟ ده لو فعلاً الكلام على حق.. ثالثًا اللى اتعلمته ومن أدبيات المهنه ولازم الناس كلها تفهمه فكرة الذوقيات.. يعنى إيه؟ يعني نبارك لبعض نهنى بعض مش نتهم الناس فى عز نجاحهم
بالباطل لما أى مُطرب فى الدنيا بتعجبه أغنية المؤلف والملحن بيعملوا تنازل عن حقوق الاستغلال للمطرب الآخر".
وتابع: "طالما ماحصلتش الخطوة دى من زمان تبقى الأغنية ملك الشاعر والملحن لحين اختيار الأفضل وارد جدًا تسمع مطرب زميل أغنية من سنة سنتين ولضعف الرؤية الفنية مايتخيلش نجاحها ده اللى بيفرق مطرب عن مُطرب ف سُرعة اتخاذ القرار أنا شايف إن فى تجنى على حق المُلحن عزيز الشافعي أدبيًا ومعنويًا دي شهادة حق".
وتابع تامر حسين: "مش شايف تمامًا أي داعي يسمح بالكلام والصراعات دي.. وللمرة المليون الناس المُحترمة ما تعلنش مشاكلها فى العلن.. عيب فى خصوصيات مايصحش ندخل الجمهور فيها ونتهم ناس محترمة بالباطل أكيد مش هنزل فويس نوت نستشهِد بيها واحنا أصحاب الحق وربنا يهدى".
وأنهى الشاعر تامر حسين كلامه: "أخيرًا ياما ناس سمعت أغانى من سنه وسنتين ومكنش ليهم نصيب فيها ماعملهوش اللى بيتعمل ده لما الأغنية تنجح بالعكس فرحوا واتمنوا إنها ياريت لو كت أغنيتهم بكل حُب وتقدير وروح حلوة وده بوست بكُل حُب والله عشان معنديش كلام يتقال تانى مش عايزين الموضوع ياخد أكبر من حجمه، هي شُهرة لا لأغنية أكتر بس مابحبش الطريقة دي من الشهرة".
وبعد صمته الطويل رد رامي صبري من جديد على الشاعر الغنائي تامر حسين قائلًا: "ومين اللي ادالك الأغنية دي تكتبها يا محترم ياللي دخلت نفسك وكتبلي بوست طويل عريض.. مين اللي بعتلك الأغنية تكتبها؟".
وأضاف: "ورؤية إيه اللي بتتكلم عنها وإنتوا واخدين الرؤية بتاعتي من الموزع نفسه؟ لو حضرتك عندك رؤية معملتهاش ليه مع موزع تاني غير وسام؟ دخلت نفسك ودافعت عن الغلط بغلط.. وخسرت واحد كان بيحبك وببحترمك جدًا للأسف" ، ومالفت انتباه الجمهور هو التزام عمرو دياب بالصمت منذ بداية الأزمة.
لقراءة المزيد من أخبار المنوعات تابع alwafd.news
موضوعات ذات صلة...
كلاكيت تاني مرة.. عمرو دياب يعود للدراما بعمل أمريكي ضخم
شاهد.. جلسة تصوير صيفية لرامي صبري بعدسة خالد فضة
بهذه الأغنية.. رامي صبري يشارك في الموسم الغنائي لصيف 2021