علق المخرج محمد دياب على مشهد انسحاب النجم شريف منير أثناء مشاهدته فيلم "ريش" ضمن فعاليات مهرجان الجونة السينمائي، وذلك عبر صفحته الشخصية على موقع التواصل الإجتماعي الشهير "فيسبوك". اقرأ أيضًا.. شاهد.. حسن أبو الروس عن فيلم "ريش" : فخور بحضور عرضه الأول في مصر محمد دياب يعلق على انسحاب شريف منير من فيلم "ريش" وكتب "دياب" عبر صفحته قائلًا : "كلام الأستاذ شريف منير ان الجوايز اللي خدها فيلم ريش هي مؤامره من الغرب علي مصر كلام خطير جداً خاصه انه من فنان كبير.. هتكلم من خبرتي كشخص عضو لجنه تحكيم في مهرجان كان، و عضو في اكاديميه الاوسكار: قولاً واحداً مفيش انسان لا بالتلميح و لا بالتصريح عمره ما بيحاول يأثر علي اختيارات لجان التحكيم و اللي اعضاءها بيتكونوا من فنانين مميزين من انحاء العالم". وتابع : "اداره اي مهرجان دورها بينتهي بإختيار الافلام المشاركه و نقطه. و يسأل في ذلك الفنانين اللي كانوا اعضاء لجان التحكيم في المهرجانات الثلاثه الكبري زي هند صبري و نيللي كريم و محمد حفظي.. طب ليه الافلام اللي بتروح مهرجانات بتبقي عن الفقرا او عن المشاكل؟ الافلام المستقله في العالم كله هي الافلام اللي خارج منظومه الانتاج التجاريه، يعني الافلام اللي مش لاقيه انتاج و دي بتبقي دايماً الافلام اللي عن المهمشين او الناس اللي ملهاش صوت، و بما انها افلام مش متوقع منها تجيب فلوس فبيبقي عند صناع العمل الجراءه انهم يعملوا اختيارات فنيه جريئه و ده بيخليها مغريه للمهرجانات اللي بتدور علي سينما جديده و مختلفه." وأضاف : "سنة 2019 الفيلم اللي كسب البالم دور هو (شوب ليفترز ) الياباني ، و سنه 2020 اللي كسب نفس الجايزه هو (باراسيت) الكوري و بعدها اكتسح الاوسكار. الفيلمين عن العشوائيات في دول عالم اول و بلادهم احتفت بالفيلمين و بصانعيهم بالرغم من ان العشوائيات نسبتها في الدولتين لا تذكر." واستكمل حديثة قائلًا: "المميز في فيلم ريش مش الفقر علي الإطلاق بل اسلوب مخرجه الجرئ و طريقة سرده المختلفة، و سواء عجبك الفيلم او لأ لازم نشيد بإن الفيلم ده فيلم بصوت و طعم مختلف فنياً مش موجود في السينما المصرية.. الفقر و المشاكل لا يمكن يدخلوك مهرجان كبير لو مفيش جوده صنع او تجربه سينمائية رائدة، فيلم ريش فيه تجريد للمكان و الزمان، و الفقر فيه خلفيه للقصه لدرجه ان المكان مش شبه مصر و لا أي مكان في العالم". وتابع : "و لو الفنانين نفسهم هم اللي بقوا بيرددوا الاتهامات اللي من نوعيه تشويه مصر فدي مصيبه، لأن الكلام ده فيه مزايده علي الرقابة و علي منتجي الفيلم و علي المهرجانات اللي بتختار الافلام و هيخلي اي فيلم عن المهمشين متهم بالتزلف و بيصعب انه ينتج او يُجاز" وأضاف "و للأسف الكلام ده بيخلي الرأي الشعبي يبقي دايماً حاطط افلام المهرجانات في وضع المتهم: اكيد اختاروا الفيلم عشان سبب غير مستواه الفني. كلام فيه انسحاق و هزيمة و كأننا معندناش القدرة نعمل حاجه كويسه". وأضاف : "بمنطق استاذ شريف كان هينسحب من عرض الفيلم العظيم الكيت كات اللي كان بطله و قدم فيه دور عظيم و كنا اتحرمنا من اعظم فيلم مصري." اختتم دياب حديثه قائلًا : "عمر الزهيري مخرج مصري واعد و يستحق مننا كلنا التحية و التشجيع، و فيلم ريش مدحه وذمه لازم يكون في داخل الاطار الفني فقط". لمزيد من الأخبار الفنية.. اضغط هنا أخبار ذات صلة: غدًا.. منى زكي تعلن عرض فيلم"بداية الخيط" في مهرجان الجونة السينمائي (فيديو) (صور) رانيا يوسف بإطلالة مبهجة في مهرجان الجونة السينمائي (صور) نسرين طافش بإطلالة ساحرة في فعاليات مهرجان الجونة