حلا شيحة توجّه رسالة امتنان وتقدير لوالدتها .. شاهد

وجهت الفنانة حلا شيحة، رسالة شكر لوالدتها، عبر حسابها الرسمي على موقع تبادل الصور والفيديوهات الشهير "إنستجرام".
اقرا المزيد .. كليب أزمة حلا شيحة وتامر حسني يتخطى المليون الثاني .. فيديو
وكتبت "شيحة": "أمي المُثمرة حبيبتي ست الكل كل زرعة وكل شجرة وكل وردة زرعتها بإديها الطيبة طول عمرك يا أمى جميلة وبتحلي كل حاجة بروحك المرحة وصبرك وجدعنتك وحبك لينا وحبك للزرع والطبيعة.
وأضافت، انتي اللي علمتينا نقول دايماً سبحان الله وفعلاً سبحان الله الله على جمال الكون بعنيكي يا أمي".
وتابعت، حبيبتي ربنا يخليكي لينا رغم ظروف كتيرة صعبة عدت عليكي شفت ست قوية زرعت جوايا أمل وأنا لو فيا حاجة حلوة فهي منك يا حلوة بحبك أوى".
وكانت قد تعرضت الفنانة حلا شيحة، لموجة من الانتقادات عبر مواقع التواصل الاجتماعي، عقب إساءتها للنجم تامر حسني، بسبب استيائها من مشاهد في كليب أغنية
"بحبك" من فيلم "مش أنا".
ونشرت حلا شيحة صورة إعلان الفيلم ووجهت رسالة شديدة اللهجة إلى نجم الجيل تامر حسني عبر حسابها الرسمي بموقع تبادل الصور والفيديوهات "إنستجرام".
وقالت حلا شيحة :" " أنا اتفاجئت جداً بنزول كليب يجمع فيه مشاهد متفرقة من الفيلم و في أيام ذي الحجة أيام مباركة و خصوصاً بعد آخر بوست كتبته و وضحت فيه أنا إيه ".
وأكملت حديثها قائلة :" و اتفاجئت أكتر خصوصاً بعد وعد تامر حسني ليا وتأكيده أنه هيحترم رغبتي و بعض الطلبات اللي طلبتها منه بكل إحترام وود الصيف اللي فات ، أحنا يمكن نجحنا بمقايس الدنيا بس صدقوني بمقايس ربنا أحنا لم و لن ننجح ".
وتابعت شيحة : " أنا عارفة ومتاكدة أن زملائي جواهم خير
بس للأسف فتنة الشهرة و النجاح مش بتخلينا نشوف ونقيس الأمور صح ،بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي.. دي كانت زلة نتيجة ظروف مريت بيها وكلنا بنغلط و لازم نغلط علشان أحنا بشر بس المصيبة أننا بنغفل وبننسى ".
وأوضحت : " أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الأخر ده اللي حينفعنا مش الشهرة ولا النجاح لا هو مش نجاح أصلاً علشان النجاح الحقيقي حاجة تانية خالص أحنا أغلبنا ناسينها إلا القليلين منا " .
وأنهت كلامها قائلة :" الفن لو بيخلينا نبعد عن منهج ربنا ومنبقاش قدوة لأولادنا يبقي باطل وميبقاش فن ،أحنا كلنا عندنا إمتحان في الدنيا دي وحابة أفكرك بالفيديو ده يا تامر اللي قولت فيه أنا مش بتمنى أموت وأنا مطرب أنا دايماً خايف من كده.. كلام أكيد قولته في لحظة صدق جواك وجوانا كلنا ".
اقرأ مزيد من أخبار قسم الفن من هنا