محمد شاهين ل حمو بيكا: حسبي الله في اللي فرضك علينا

لا زال تبادل التصريحات بين المطرب الشاب محمد شاهين ونجم المهرجانات الشعبية حمو بيكا، مستمر بسبب أغنية "قلبي شايل وجع" .
اقرأ أيضًا..صور.. تفاصيل حفل محمد شاهين في ساقية الصاوي
ورد محمد شاهين على تصريحات حمو بيكا بعدما قال إنه لم يطلب أن يتم رفع الأغنية.
وكتب شاهين عبر حسابه على Facebook، "امبارح المحترم بيقول عليا اللي اسمه محمد شاهين، أنا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة".
وتابع، "والله العظيم أنا روحت أغني الأغنية دي بس قلة حيلة وفقدان أمل بس لكن من جوايا وأنتم عارفين لا شكلى و لا فني
اللى بحبه عشان أروح أعمل كدة دى كانت غلطة و ذلة منى فقط لا غير وانا مايشرفنيش اغنى مع حد مش مقدرنى و مش على دراية بأى شئ ولا يفقه فى المزيكا اى حاجة كمان غلطة و انا هجيب حقى كدة كدة واستنوا منى اللى دايماً متعودين منى علي".
أزمة محمد شاهين وحمو بيكا
وبدأت الأزمة عندما كشف محمد شاهين عن مشكلته مع حمو بيكا وقال: "أنا مش بتاع لايف واتكلم بشكل رخيص على موضوع مهرجان مع حمو بيكا بس
اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما اعرف".
تابع شاهين قائلًا " كلمت حمو بيكا قلتله ازاي قالي أنا هنزل في العيد 6 اغاني بكلمة في حقوق الأغنية أقل حاجة في حقي، يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قلت له الكلام دة مش هينفع وقفلت معاه بعدها بعت لمصمم البوستر وقالي أن الأغنية مش هتنزل اتفاجئ انهاردة بنزولها بدون علمي على أساس أيه".
اختتم المطرب الشاب محمد شاهين كلامه متوعدًا حمو بيكا وقال" أنا هعرف اجيب حقي كويس بالقانون".