محمد شاهين يرد على حمو بيكا: هجيب حقي وحسبي الله في اللي فرضك علينا

رد المطرب الشاب محمد شاهين، على مغني المهرجانات حمو بيكا، بعد أن أعلن بأنه لم يطالب برفع أغنية "قلبي شايل وجع" المتسببة في الأزمة بينهما، واستهزئ منه قائلًا: "اللي اسمه محمد شاهين".
ونشر محمد شاهين، عبر صفحته الشخصية بموقع التواصل الاجتماعي "فيسبوك" منشورًا كتب فيه: "امبارح المحترم بيقول عليا اللي اسمه محمد شاهين، أنا هقولك حاجة واحدة يابني حسبي الله ونعم الوكيل في اللي فرضك علينا وعملك قيمة".
وأضاف محمد شاهين: "والله العظيم أنا روحت أغني الأغنية دي بس قلة حيلة وفقدان أمل بس لكن من جوايا وأنتم عارفين لا شكلي ولا فني اللي بحبه عشان أروح أعمل كدة".
اقرأ أيضا محمد شاهين: حمو بيكا نزل مهرجان "قلبي شايل وجع" بدون علمي وحقي هجيبه بالقانون
وتابع: "دي كانت غلطة و ذلة مني فقط لا غير وأنا ما يشرفنيش أغني مع حد مش مقدرني ومش على دراية بأي شئ ولا يفقه فى المزيكا أي حاجة كمان غلطة وأنا هجيب حقى كده كده واستنوا مني اللي دايمًا متعودين عليه مني".
اقرأ أيضا مهرجان 2 وحوش.. أحداث تعاون بين مينا عطا ومحمد شاهين (فيديو)
يذكر أن الأزمة بين محمد شاهين، ومغني المهرجانات حمو بيكا، بدأت عندما خرج الأول وقال: "أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف".
وأضاف: "كلمت حمو بيكا قلتله ازاي قالي أنا هنزل في العيد 6 أغاني فبكلمة في حقوق الأغنية أقل حاجة في حقي، يرد يقولي أنا هاخد الحقوق كلها على أساس أن النجم المحترم هيعرفني بالناس على أساس أن النجم المحترم أنا شغال عنده رديت قلت له الكلام دة مش هينفع وقفلت معاه بعدها بعت لمصمم البوستر وقالي أن الأغنية مش هتنزل اتفاجئ انهاردة بنزولها بدون علمي على أساس إيه.. أنا هعرف اجيب حقي كويس بالقانون".