سحل " المواطن المسحول " على تويتر

أطلق نشطاء على " تويتر " اسم "ابو العلا " تلك الشخصية التى جسدها الفنان الراحل شكرى سرحان فى فيلم الزوجة الثانية على المواطن المسحول حمادة صابر، بعد تصريحه اليوم السبت نافيا أن تكون الشرطة قد قامت بسحله، تقول احدى التغريدات:" ده فيلم الزوجة التانية .. شكري سرحان هو أبو العلا.. امضي يا أبو العلا.. الورق ورقنا والدفاتر دفاترنا، ومعنديش ذرة لوم لأبو العلا بصراحة.. محدش منكم كان هينفعه.. هو أضعف من مواجهة دولة الظلم.. ".
تغريدات النشطاء على تصريحات " حماده " المفاجئة، والصادمة، تراوحت بين الدهشة، والإمتعاض، والتحسر، والسخرية اللاذعة، والشفقة فى بعض الأحيان، رصدنا بعضا منها كالتالى:
hazem sherif :" وبكده يكون حمادة اتعرى4 مرات, لما الداخلية سحلته, ولما القوى السياسية استخدمته, ولما االسلطة اجبرته على النفي، ولما البهوات على تويتر جلدوا فيه".
Ahmed sharaf:" هما بيتعاملوا علي ان الموضوع موضوع شخصي يخص حماده لوحده... مش عارفين ان كلنا حماده".
Mohamed Ali:" هو عرى نفسه لما نفى اللى حصل !! كان ممكن يكون صاحب شرارة جديدة , لكن هو اختار يكون صاحب قرشين زيادة و عيشة جنب الحيط".
Nermeen Bedair:" أي عبقري بجد فكر ان مخرج المشهد المخزي ان الضحية ينفي انه حصل؟؟ متأكدة ان الضغط ع الضحية لتغيير الحقائق طول عمره بيحصل بس أكيد مش بهبل كدا".
MaHmOud HaFeZ:" في حد عاوز يوصلنا اننا نقتنع اننا شعب مش بني آدمين ونستاهل القتل والسحل عادي ... عن اعتراف حمادة !".
ولا زال " حماده " متصدرا المشهد على " تويتر "، حتى اللحظة، حيث تتوالى التغريدات و التعليقات ، نعرض للمزيد منها، كالتالى: " المسحول: الثائر سحلني ورب العرش نجاني"، " أسوأ ما فى أمر حمادة أن الناس رجعت تخاف تانى .. ضيع شغل سنتين فى الشارع"، " حمادة شرب شاى بالياسمين"، مادة نموذج للمواطن اللي شاف ان النظرية الوحيدة القابلة للتطبيق الآن هى .. تعيش نملة تاكل سكر"، " الداخلية: والله بحبك موت يا حمادة"، "مش مستبعد تلاقي الاخوان طالعة بتقول ان حمادة اصلا اخوان"، " مصر بلد المليون حماده"، " جعلونى مسحولا"،" والظباط شالوا حمادة من عالأرض شيل و كان عيد ميلاده امبارح فغنوله و هو ملط هابي بيرزداي تو يو..و ركبوه فوق المدرعة و غنوا الحياه حلوة"، "حمادة المسحول: شلوط سعادتك كان دفعة للأمام يا فندم"،" احنا معندنش قناة، معندناش حماده"، " نقدم اعتذارنا الي الشرطة المصرية علي سوء ظننا بهم ونشكرهم علي المعاملة اللائقة بالمصريين وذلك بعدما أرشدنا حمادة الي الحقيقة #شكرا_للدخلية"، " حماده أنت مش أنت وأنت جعان"، " حماده يفوز بجائزة نوبل فى الكذب"، " حمادة المتحدث الرسمي باسم حركة عاريووون"، " ملخص حوار حمادة صابر : المتظاهرين وحشين والداخلية زي الفل والسحل طلع حاجه حلوة أوي أنا هبقا أجي أتسحل خميس وجمعة ( ويتوقف السحل ويستمر النفخ"،" بيقولك لما اتضرب حس أنه مصري. مبروك عليك الجنسية يا حمادة."،" علي فكرة مصر فيها 50 مليون حمادة ع الاقل الفقر خلاهم مستعدين يتنازلو عن كرامتهم علشان يقدرو يعيشو، متلوموش حمادة ولومو اللي بيستغل ضعفه".