حل مشكلة ابنك اللي بيردد الكلام زي "البغبغان "

شرح فتحي مرعي أخصائي التربية الخاصة، "الايكولاليا" عند الاطفال من ذوى الإعاقة ، والايكولاليا (المصاداه / الترديد / التكرار) تعني اضطراب في عمليه التواصل بمعني تكرار الكلام في غير موضعه المناسب .
واضاف "مرعي" انواع الايكولاليا هي :
* فوريه ... *مؤجله
مثال : اسال الطفل اسمك ايه ؟يرد بنفس السؤال اسمك ايه (فوريه في نفس الوقت )
او الطفل يبقي قاعد مع نفسه يقول اسكت ياولد ..متكسرش العابك ...وطي صوتك .
او تقوله عامل ايه يرد التفاحه في التلاجه ..(هنا مؤجله لانه كرر كلام سابق الالقاء عليه من فتره ملوش علاقه بالموقف طيب ودي مشكله ازاي انا لما بحب اعلم الطفل بقوله تفاحه وبعلمه يرددها خلفك.
واكد أخصائي التربية الخاصة، إن
التقليد من المهارات الاساسيه للتعلم لكن امتي اقول انها مشكله ..اذا استمر الطفل عليها بعد 3سنوات
لان دا مؤشر علي ان الطفل عنده مشكله في التواصل .
واشار "مرعي" الي ان اكتشاف المشكله بشكل مبكر بيسهل حلها بالتاكيد .وطرح بعض الحلول وهي :
1 _ تدريب الطفل علي فهم السؤال والاجابه . مثل اسمك ايه ؟ بالتلقين هنقول مثلا محمممد مع تغيير طبقه الصوت. بالتبادل مع الام .نمثل قدامه الموقف وليكن مع اخوه
اسمك ايه ؟ احمد .اسمك ايه ؟ مريم ، حتي الوصول للطفل اللي بندربه .اسمك ايه ؟محممدد ، ولا تنسي
تعزز الطفل بالتحية له "هيييه" و"برافو" و"شطور".
2 _ تدريب الطفل علي الرد علي السؤال دا ايه ..هو مثلا يعرف التفاحه .هاتي تقاحه واساليه دا ايه تفااااحااا
وهكذا لحد مايفهم ويدرك ان السؤال دا ليه رد وهو اسم الشئ اللي قدامه ، بالطريقه دي هنساعد الطفل انه يوظف الكلمات اللي يعرفها في مكانها الصحيح
وهذا هيساعدنا في مرحله متقدمه لما نخير الطفل بين حاجتين دي تفاحه ولا موزه
ممكن يقول موزه لانها اخر كلمه نطقناها . هنا نستمر في التدريب علي مسميات الاشياء .
واوضح اخصائي التربيه الخاصه، في البدايه ابدا بوضع المسمي المطلوب في نهايه السؤال ..يعني لو بسال ع التفاحه اقوله دي موزه ولا تفاحه ، هيرد بالاجابه الصح
ابدأ اعزز الاستجابه الصح مع الوقت هيكون فهمه للغه اتطور وارجع للنقطه السابقه اللي هيا اني احط الشئ المطلوب الاشاره ليه او تسميته في الاول .
فتحي مرعي أخصائي التربية الخاصة