"احنا في زمن المسخ.. كلمة بحبك عقد".. كلمات من ذهب لوحيد حامد

جمل بسيطة حوارية، مكونة من كلمات قليلة للغاية، كتبها الكاتب الكبير وحيد حامد، وأصبحت حكم باقية منذ عشرات السنوات، يتداولها أصحاب جيله وحتى كبار السن حتى وقتنا هذا، رحل هو وظلت سيرته باقية في قلوب محبيه، واستمر جمهوره في ترديد كلماته، "كلمة بحبك.. عَقْد"، من فيلم اضحك الصورة تطلع حلوة.
توفى الكاتب الكبير وحيد حامد، صباح السبت، داخل أحد المستشفيات، عن عمر يناهز 76 عامًا، إثر تعرضه لوعكة صحية أودع على أثرها العناية المركزة منذ عدة أيام، واستمر رواد مواقع التواصل الاجتماعي فيسبوك وتويتر، والباحثين في مؤشر جوجل عالمي، في الدعاء له والبحث عن كلماته.
"حاجات كتير هترخص هتبقى بسعر التراب، أنا وإنت والأستاذ وحضراتكم أجمعين"، من فيلم الإرهاب والكباب، "يبصوا على البلد اللي باظت.. احنا في زمن المسخ"، من فيلم
عمارة يعقوبيان، "لما الناس بتموت الحياة بتستمر، بس لما الناس بتبعد، الحياة بتُقف، غريب إن الموت أرحم من البُعد، يمكن لإن الموت حاسم، إنما البُعد فيه احتمالات"، من فيلم الغول.
اضحك الصورة تطلع حلوة
"المحاكم عندينا إيدها خفيفة أوي، وهي بتدي حكم بالسجن أو الإعدام، وإيدها تقيلة أوي وهي بترجع الحقوق لأصحابها"، من فيلم الإرهاب والكباب، كنت محتاج حد أتكلم معاه.. أتكلم معاه ويسمعني ويطيِّب خاطري، لمَّا أكون متضايق.. يسمعني كلمة حلوة، لما أعمِل حاجة صح.. سنين طويلة وأنا مش لاقي حد أتكلم معاه.. يستريحلي وأستريحله.. عشان كده لقيت نفسي جيت هنا من غير ما أحس" من فيلم اضحك الصورة تطلع حلوة.
معلومات لا تعرفها عن وحيد حامد
ضحكوا عليك يا سبع الليل؟
"الصورة لما بتبقى وحشة بنقطعها ونرميها، والصورة لما بتبقى حلوة بنحتفظ بيها، لأنها بتفكرنا بأجمل لحظات عمرنا يا بنتي" من فيلم اضحك الصورة تطلع حلوة، "ضحكوا عليك يا سبع الليل؟!.. اللي هنا مش أعداء الوطن" من فيلم البريء.
وحيد حامد: كل قرش دخل جيبي من عرق قلمي
حسين أفندي ابن أبويا
"الدنيا يا ولدي ليها وشين.. أبيض وأسود.. لما تبقى بيضا قدامك، افتكر الأسود عشان تسلك، ولما تبقى سودة افتكر الأبيض عشان تقدر تعيش لبكرة" من فيلم الإنسان يعيش مرة واحدة، "حسين أفندي ابن أبويا الحاج وهدان، لا يمكن يكون من أعداء الوطن"من فيلم البريء.
مفيش صداقة أبدا مع خصومة
كما كتب وحيد حامد أيضًا، "مفيش صداقة أبدا مع خصومة، اتنين ديابة لا يمكن يعيشوا مع بعض في قفص واحد"، من فيلم طيور الظلام، "الفُرص زي الجزم لازم تبقي على مقاسك، لا تبقي ضيّقة أوي تخليك تُعرج، ولا تبقي واسعة أوي تخليك تلؤ"، من فيلم طيور الظلام.